Pétur hættur sem for­stjóri Reykja­lundar

Þetta kemur fram í tilkynningu frá Reykjalundi þar sem haft er eftir Pétri að starfslokin marki stór tímamót í hans lífi. 

„Í dag eru stór tímamót í mínu lífi þegar ég læt af störfum sem forstjóri Reykjalundar. Starfslokin eru að minni eigin ósk og hafa ekkert með frábært samstarfsfólk eða daglega starfsemi Reykjalundar sérstaklega að gera. Á næstunni verð ég 55 ára gamall og hef þá verið í forstjórastóli heilbrigðisstofnana í næstum 20 ár, fyrst rúm 12 ár á Hrafnistuheimilinum og nú tæp 6 ár á Reykjalundi.

Hér á Reykjalundi hafa það verð forréttindi og mikill heiður að vinna með því frábæra fólki sem hér starfar, sannkallað landslið í endurhæfingu eins og við segjum oft og starfsfólk stoðdeilda starfseminnar ekki síðra,” er haft eftir Pétri í tilkynningunni.

Starfið auglýst fljótlega

Pétur tók fyrst við sem forstjóri Reykjalundar vorið 2020 en þá hafði ríkt þónokkur ólga innan stofnunarinnar: 

Þá þakkar Svana Helen Pétri fyrir sín störf og framlag í þágu Reykjalundar undanfarin fimm ár. „Mikilvægi sérhæfðrar endurhæfingar líkt þeirri sem boðið er upp á hjá Reykjalundi hefur aldrei verið brýnna. Endurhæfing er ein hagkvæmasta heilbrigðisþjónusta sem völ er á en með henni öðlast fólk tækifæri til að taka aftur fullan þátt í samfélaginu,“ er haft eftir Svönu.

Í tilkynningunni segir einnig um bakgrunn Svönu að hún hafi doktorsgráðu í kerfisverkfræði frá Háskólanum í Reykjavík auk þess sem hún starfar sem aðjúnkt við skólann. Þá er hún bæjarfulltrúi á Seltjarnarnesi, situr í stjórn SORPU bs. og er varaformaður SL lífeyrissjóðs. Þá segir í tilkynningu að Pétur verði stjórnendum Reykjalundar áfram til aðstoðar næstu mánuði. Starf forstjóra verði auglýst fljótlega.