„Sjáum af hverju hann er að reyna koma honum í liðið“

Í Sunnudagsmessunni var farið yfir leikstöðu hetju Liverpool í 1-0 sigrinum á Arsenal. Miðjumaðurinn Dominik Szoboszlai hóf nefnilega leikinn sem hægri bakvörður.

„Fyrst og fremst það, að hugarfar leikmannsins sé rétt þarna. Hann er greinilega að taka því mjög vel,“ sagði Bjarni Guðjónsson og hélt svo áfram.

„Bakvarðarstaðan sem slík hefur breyst svo svakalega. Ert ekki lengur bakvörður sem er fastur í línu, stoppar á miðju eða fastur í utan á hlaupum. Þú ert farinn að fara inn á miðjuna og reyna spila,“ bætti Bjarni. Hann hrósaði varnarleik Szoboszlai sömuleiðis.

„Það skiptir rosalega miklu máli. Hann (Arne Slot, þjálfari Liverpool) er að reyna koma honum í liðið og við sjáum af hverju hann er að reyna koma honum í liðið.“

Umræðu Sunnudagsmessunnar í heild sinni má sjá hér að ofan.