Rio Ferdinand húðskammar Arsenal stuðnings­menn

Chelsea hefur keypt nokkra sóknarmenn í sumar og þar af leiðandi telja þeir að Madueke muni ekki fá sömu mínútur og hann fékk á liðnu tímabili. Þeir eru því tilbúnir að láta hann fara.

Arsenal hefur keypt þó nokkra leikmenn frá Chelsea nýlega, líkt og Jorginho og Kai Havertz, og í þessum glugga keyptu þeir Kepa Arrizabalaga. Í heild, ef Madueke skiptin klárast, mun Arsenal hafa eytt meira en 100 milljónir punda í leikmenn frá Chelsea síðustu þrjú ár.

Þetta auk þess að sumir Arsenal stuðningsmenn telja Madueke nógu góðan leikmenn, hefur orðið til þess að undirskriftalisti hefur verið stofnaður til að mótmæla félagaskiptunum.

Ferdinand tjáði sig um málið á sínum samfélagsmiðlum. „Fyrir ungan 23 ára gamlan enskan leikmann, að vera svívirtur, lagður í einelti, og látin skammast sín. Á tíma þegar hann ætti að vera að fagna 55 milljón punda félagaskiptum.

Já ungur strákur með draum um að ganga frá félagaskiptum til félags sem hann vill fara til, frá keppinautum þeirra. Að það sé komið fram við hann á þennan hátt, af hluta Arsenal stuðningsmanna er til skammar,“ sagði Ferdinand.

„Það er í góðu lagi að vera ósammála kaupum, eða ákvörðunum hjá félaginu sem þú styður, en hvernig sumir stuðningsmenn hafa brugðist við og gert þennan undirskriftalista skil ég ekki.

Ég hef aldrei séð svona gerast áður og ég vona að ég sjái það ekki aftur. Ímyndið ykkur að þetta væri besti vinur þinn, eða fjölskyldumeðlimur. Segðu mér svo hvernig þér myndi líða að sjá þessa ógeðslegu hegðun,“ bætti Ferdinand við.