Þing­fundi slitið á mið­nætti en um­ræðan heldur á­fram í dag

Þingfundur hófst klukkan tíu á óundirbúnum fyrirspurnatíma, þar sem meðal annars voru til umræðu vinnubrögð ríkisstjórnarinnar og áhrif breytingar á veiðigjaldi. 

Þá var Menntasjóður námsmanna næstur á dagskrá, áður en rætt var um aðgang að gögnum í atvinnuveganefnd undir dagskrárliðnum „Um fundarstjórn“.

Umræða um veiðigjald hófst klukkan 15.43 og stóð yfir þar til þingfundi var slitið en með hléum, eins og fyrr segir.

Þingfundur í dag hefst klukkan 10 á 3. umræðu um kaup á íbúðarhúsnæði í Grindavík. Þá verður Jöfnunarsjóður sveitarfélaga til umræðu áður en 2. umræða um veiðigjald hefst að nýju.

Þar eru sjö á mælendaskrá, meðal annars Þórarinn Ingi Pétursson, þingmaður Framsóknarflokksins, sem heldur sína 20. ræðu í tengslum við málið og Vilhjálmur Árnason, þingmaður Sjálfstæðisflokksins, sem heldur sína 18. ræðu um frumvarpið.