Bíll við bíl frá Ártúnsbrekku upp í Mos­fells­bæ

Samkvæmt föstum ökumönnum sem fréttastofa hefur rætt við nær bílaröðin allt frá Ártúnsbrekku og inn í Mosfellsbæinn sjálfan.

Vakthafandi í upplýsingasíma Vegagerðarinnar segir að tvennar framkvæmdir hafi verið skipulagðar á Vesturlandsvegi í kvöld. Veginn átti að þrengja við Laxalón en fyrir mistök var honum lokað.

Samkvæmt fréttaflutningi Ríkisútvarpsins meta eftirlitsmenn nú hvort seinka beri framkvæmdunum til að greiða úr ástandi. Vegagerðin biðji ökumenn að halda ró sinni og sýna tillitssemi þar til þeir komast í gegn.