Flúði á brott eftir al­var­lega líkams­á­rás

Þetta kemur fram í dagbók lögreglunnar á höfuðborgarsvæðinu, þar sem segir að óskað hefði verið aðstoðar vegna alvarlegrar líkamsárásar í hverfinu. Lögreglumenn hafi veitt árásarþola fyrstu hjálp á vettvangi og búið um sár hans en síðan hafi hann verið fluttur með sjúkrabíl á slysadeild. 

Gerandinn hafi flúið af vettvangi, en fundist skammt frá með aðstoð drónateymis. Þá hafi hann verið handtekinn af sérsveit ríkislögreglustjóra og vistaður í fangageymslu.

Þá var lögreglu tilkynnt um rán í hverfi 109, þar sem tveir aðilar höfðu ráðist að einum með ofbeldi og stolið af honum peningum. 

Brotaþoli hafi lítið viljað tala við lögreglu vegna málsins og aðeins gefið óljósa lýsingu á málsatvikum. Lögregla hafði því á litlu að byggja og því sé málið óupplýst.