Reyndi að stinga lög­reglu af á stolnum bíl

Í tilkynningu frá lögreglu segir að í framhaldinu hafi hann reynt að hlaupa undan lögreglu, en að hann hafi verið handsamaður. Maðurinn er grunaður um akstur undir áhrifum ávana- og fíkniefna, akstur sviptur ökuréttindum, vörslu fíkniefna, vopnalagabrot fyrir að bera vopn á almannafæri og sömuleiðis stund á ökutæki. Hann var fluttur í fangaklefa og er málið til rannsóknar.

Þetta kemur fram í tilkynningu frá lögreglunni á höfuðborgarsvæðinu þar sem segir frá verkefnum gærkvöldsins og næturinnar.

Lögregla var einnig kölluð út vegna tveggja manna sem voru að ónáða gangandi vegfarendur í miðborg Reykjavíkur. Sá fyrri lofaði að láta af hegðun sinni en í síðara tilvikinu var maðurinn farinn af vettvangi þegar lögreglu bar að garði.

Lögregla var sömuleiðis kölluð út vegna manns sem var óvelkominn í verslun í miðborginni, en sá hafði reynt að stela vörum.

Einnig var lögregla meðal annars kölluð út vegna farþega í leigubíl sem var í annarlegu ástandi, innbrot í verslun í hverfi 104 í Reykjavík, húsbrot í hverfi 110 og ýmissa fleiri mála.