Innlent

Ofur­ölvi þjófur gisti í fanga­geymslu

Samúel Karl Ólason skrifar
Nóttin virðist hafa verið róleg hjá lögreglunni á höfuðborgarsvæðinu.
Nóttin virðist hafa verið róleg hjá lögreglunni á höfuðborgarsvæðinu. Vísir/Vilhelm

Lögregluþjónar á höfuðborgarsvæðinu stöðvuðu nokkra ökumenn í gærkvöldi og í nótt vegna gruns um að þeir væru undir áhrifum áfengis eða fíkniefna. Þó virðist nóttin hafa verið róleg ef marka má dagbók lögreglu. Þar kemur fram að tveir hafi gist fangageymslur í nótt og að 69 mál hafi verið skráð í kerfi lögreglu frá fimm seinni partinn í gær til fimm í morgun.

Einn ofurölvi maður var handtekinn vegna gruns um þjófnað úr verslun í Reykjavík. Ekki reyndist hægt að tala við hann vegna ölvunar og var hann því vistaður í fangaklefa.

Þá var tilkynnt um slagsmál á skemmtistað á svæðinu sem heyrir undir lögreglustöð 4, sem er Grafarvogur, Mosfellsbær og Árbær. Slagsmálin höfðu verið leyst upp áður en lögregluþjóna bar að garði og var enginn slasaður.

Þegar kemur að slökkviliðinu var nokkur erill í sjúkraflutningum í gær. Alls var farið í 112 flutninga og þar af 32 í forgangsakstri. Áhafnir dælubíla fóru í þrjú minniháttar útköll.

Lögreglumál Slökkvilið

Mest lesið


Fleiri fréttir

Sjá meira


×

Mest lesið