Flutt á sjúkra­hús eftir bíl­slys á Háa­leitis­braut

„Það var árekstur á gatnamótum Háaleitisbrautar og Miklubrautar,“ segir Steinþór Darri Þorsteinsson, varðstjóri hjá slökkviliðinu á höfuðborgarsvæðinu. Tilkynning barst um korter yfir fjögur.

„Það voru einhverjir fluttir upp á spítala.“

Steinþór var ekki með nákvæma tölu yfir hve margir voru fluttir með sjúkrabíl upp á sjúkrahús en það hafi verið fleiri en einn. Einstaklingarnir sem voru í bílunum tveimur voru allir komnir út úr bílunum þegar sjúkraflutningamenn bar að vettvangi. Aðgerðum á vettvangi er ekki lokið þar sem brak er enn á veginum

„Þeir eru á staðnum ennþá, allir sjúklingarnir eru farnir en þeir eru að bíða eftir bílum til að hreinsa upp brak og svoleiðis,“ segir Steinþór.

„Þetta eru gatnamót sem eru mjög fjölfarin þannig að það þarf að vera á staðnum upp á að passa vernda vettvanginn svo það slasist ekki fleiri.“