Innlent

Lýstu yfir óvissustigi vegna sömu flug­vélar

Samúel Karl Ólason skrifar
Engan sakaði, samkvæmt upplýsingum frá slökkviliðinu.
Engan sakaði, samkvæmt upplýsingum frá slökkviliðinu. Ástþór Ernir

Flugvélin sem lent var á Suðurlandsvegi í gærkvöldi er sú sama og samband rofnaði við þegar verið var að fljúga henni frá Grænlandi í gær. Landhelgisgæslan lýsti yfir óvissustigi vegna flugvélarinnar eftir að flugmaður hennar hafði ekki samband við flugumferðarstjórn á tilteknum tíma, svaraði ekki kalli og flugvélin sást ekki á ratsjám.

Fyrst var sagt frá því að um sömu flugvélina væri að ræða á vef Mbl.

Einn maður var um borð í flugvélinni en hann lenti henni í gærkvöldi á Suðurlandsvegi, skammt frá Hólmsá við Reykjavík. Hann hafði verið að fljúga frá Narsarsuaq á Grænlandi til Keflavíkur.

Hreyfill flugvélarinnar var ekki í gangi þegar henni var lent á Suðurlandsveg.

Sjá einnig: Nauðlending á þjóðveginum

Ekki liggur fyrir af hverju flugvélinni var lent á Suðurlandsvegi að svo stöddu. Samkvæmt upplýsingum frá lögreglunni er málið í rannsókn og rannsókn á frumstigi, hjá Lögreglunni á höfuðborgarsvæðinu og Rannsóknarnefnd samgönguslysa.

Sjá einnig: Óvissustig vegna ferjuflugvélar frá Grænlandi

Þegar áhöfn TF-SIF var við það að fara í loftið náðist loks samband við flugmanninn og sáust merki frá henni í kerfum stjórnstöðvar Atlantshafsbandalagsins á Keflavíkurflugvelli.

Fréttir af flugi Reykjavík Samgönguslys

Mest lesið


Fleiri fréttir

Sjá meira


×

Mest lesið