Leita manns sem er grunaður um stunguárás

Þetta staðfestir Hjördís Sigurbjartsdóttir aðstoðaryfirlögregluþjónn í samtali við fréttastofu. Hún segir að lögreglu hafi borist tilkynning um málið upp úr klukkan þrjú í dag.

Hjördís segir að ekki sé vitað hvert ástand þess sem var fluttur á sjúkrahús sé að svo stöddu.

Hún segist ekki vita hvort árásin hafi átt sér stað innandyra eða utandyra.

„Við erum á fullu að ná um verkefnið og leita að viðkomandi,“ segir Hjördís.

Fréttastofa hefur undir höndum myndband frá vettvangi, sem má sjá hér fyrir neðan, þar virðist sjálf árásin hafa verið tekin upp í fjarlægð.

 Atvikin sem sjást eiga sér stað utandyra í Úlfarsárdal. Þar má sjá einn mann, sem virðist halda á einhverju sem gæti verið hnífur eða annars konar stunguvopn, hlaupa að tveimur mönnum og veitast að þeim. 

Jafnframt sést hann reyna að koma sér undan, en svo virðist sem bílstjóri jepplings hafi reynt að stöðva hann með akstri sínum.

Hér má sjá myndband frá vettvangi. Myndefnið er ofbeldisfullt og er því ekki fyrir viðkvæma.