Styrkjamálið hefur engin áhrif á ríkisstjórnarsamstarfið Kjartan Kjartansson skrifar 29. janúar 2025 09:30 Gustað hefur um nýja ríkisstjórn Flokks fólksins, Samfylkingar og Viðreisnar í upphafi árs. Vísir/Vilhelm Formaður Flokks fólksins segir það ekki hafa nokkur áhrif á ríkisstjórnarsamstarfið að fjármálaráðherra samstarfsflokksins þurfi að skera úr um hvort að endurgreiða þurfi ríkisstyrki. Hann segir að reynt sé að draga fram „tittlingaskít“ til að kasta rýrð á samstarfið. Flokkur fólksins er einn nokkurra stjórnmálaflokka sem komið hefur í ljós að fékk greidda styrki úr ríkissjóði þrátt fyrir að þeir uppfylltu ekki skilyrði laga til þess vegna þess að þeir voru ekki skráðir hjá ríkisskattstjóra sem stjórnmálasamtök. Flokkurinn er sá eini sem hefur enn ekki breytt skráningu sinni. Fjármálaráðuneytið fer nú yfir greiðslurnar, meðal annars hvort að flokkunum verði gert að endugreiða þá styrki sem þeir fengu þegar þeir uppfylltu ekki skilyrði laga. Inga Sæland, formaður Flokks fólksins, var spurð að því hvort að það setti ekki ríkisstjórnina í klemmu að fjármálaráðherra úr samstarfsflokknum Viðreisn hefði fjárhagslega framtíð Flokks fólksins þannig í hendi sér í viðtali í Bítinu á Bylgjunni í morgun. Inga gaf lítið fyrir það og sagðist virða þær reglur sem Alþingi hefði sett sem lögfræðingur. „Þetta mál hefur engin áhrif á okkur að einu eða neinu leyti,“ sagði Inga og fullyrti að samstaða ríkti innan stjórnarinnar. Fundur með Frederiksen hafi borið brátt að Þórdís Kolbrún Reykfjörð Gylfadóttir, fyrrverandi utanríkisráðherra Sjálfstæðisflokksins, er á meðal þeirra sem gagnrýna harðlega að Kristrún Frostadóttir, forsætisráðherra, hefði verið eini norræni þjóðarleiðtoginn sem mætti ekki á fund leiðtoga Norðurlandanna um öryggismál sem Mette Frederiksen, forsætisráðherra Danmerkur, hélt á mánudag. Þáttastjórnendur Bítisins spurðu Ingu hvort að Kristrún hefði ekki farið vegna þess að hún hefði verið upptekin vegna styrkjamálsins. Inga sagðist ekki hafa heyrt af málinu fyrr en í fréttum. Fundurinn hefði borið brátt að og Frederiksen hefði boðað til hans með skömmum fyrirvara. „Ég veit ekki með ykkur en stundum þarf maður kannski einhverja klukkutíma undirbúning að setja ofan í töskuna og koma sér út á flugvöll. Ég veit ekki hver fyrirvarinn var. Þetta er ekki mitt að tala um,“ sagð Inga um samráðherra sinn. Forsætisráðuneytið sagði að forsætisráðherra hefði verið látinn vita af fundi norrænu leiðtoganna sama dag og hann var haldinn og svo upplýstur um efni hans. Vill ekki ræða frekar um „gömul lík í lestinni“ Morgunblaðið hefur haldið úti stöðugri umfjöllun um málefni Flokks fólksins undanfarna daga og rifjaði í morgun upp væringar innan hans eftir Klaustursmálið svonefnda þar sem tveir þáverandi þingmenn flokksins komu fram í leynilegri upptöku sem var gerð af spjalli þingmanna Miðflokksins á öldurhúsi við hliðina á Alþingishúsinu árið 2017. Vísaði Morgunblaðið til þess að Karl Gauti Hjaltason, annar þáverandi þingmanna Flokks fólksins og núverandi þingmaður Miðflokksins, hefði gert athugasemdir við fjármál flokksins á þingflokksfundi, sérstaklega að Inga færi með prókúru. Inga sagðist ekki hafa neinn áhuga á að tala um „einhver gömul lík í lestinni“ sem dregin væru upp á yfirborðið til þess að reyna að klekkja á flokknum þegar honum gengi vel og væri kominn í ríkisstjórn. „Allur þessi tittlingaskítur sem er verið að draga upp til þess að reyna kasta rýrð á okkur og okkar góða samstarf í þessari samhentu, frábæru ríkisstjórn. Ég tek ekki lengur þátt í því,“ sagði félagsmálaráðherrann sem hét því að það yrðu sín síðustu orð um málið. „Hvað öðrum gengur til með því að halda áfram að grafa. Ég get ekki hjálpað því fólki og ég get ekki ráðið því. Það er málfrelsi hér og þau mega tala eins og þau vilja. Ég ætla hins vegar að reyna að vanda mig.“ Alþingi Flokkur fólksins Ríkisstjórn Kristrúnar Frostadóttur Fjölmiðlar Styrkir til stjórnmálasamtaka Upptökur á Klaustur bar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Pallborðið: Stungið höfðinu í sandinn í tuttugu ár Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kröfur kvennaárs komnar í innheimtu og gjalddaginn fallinn Innlent Annað safn rænt í Frakklandi um helgina Erlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira
Flokkur fólksins er einn nokkurra stjórnmálaflokka sem komið hefur í ljós að fékk greidda styrki úr ríkissjóði þrátt fyrir að þeir uppfylltu ekki skilyrði laga til þess vegna þess að þeir voru ekki skráðir hjá ríkisskattstjóra sem stjórnmálasamtök. Flokkurinn er sá eini sem hefur enn ekki breytt skráningu sinni. Fjármálaráðuneytið fer nú yfir greiðslurnar, meðal annars hvort að flokkunum verði gert að endugreiða þá styrki sem þeir fengu þegar þeir uppfylltu ekki skilyrði laga. Inga Sæland, formaður Flokks fólksins, var spurð að því hvort að það setti ekki ríkisstjórnina í klemmu að fjármálaráðherra úr samstarfsflokknum Viðreisn hefði fjárhagslega framtíð Flokks fólksins þannig í hendi sér í viðtali í Bítinu á Bylgjunni í morgun. Inga gaf lítið fyrir það og sagðist virða þær reglur sem Alþingi hefði sett sem lögfræðingur. „Þetta mál hefur engin áhrif á okkur að einu eða neinu leyti,“ sagði Inga og fullyrti að samstaða ríkti innan stjórnarinnar. Fundur með Frederiksen hafi borið brátt að Þórdís Kolbrún Reykfjörð Gylfadóttir, fyrrverandi utanríkisráðherra Sjálfstæðisflokksins, er á meðal þeirra sem gagnrýna harðlega að Kristrún Frostadóttir, forsætisráðherra, hefði verið eini norræni þjóðarleiðtoginn sem mætti ekki á fund leiðtoga Norðurlandanna um öryggismál sem Mette Frederiksen, forsætisráðherra Danmerkur, hélt á mánudag. Þáttastjórnendur Bítisins spurðu Ingu hvort að Kristrún hefði ekki farið vegna þess að hún hefði verið upptekin vegna styrkjamálsins. Inga sagðist ekki hafa heyrt af málinu fyrr en í fréttum. Fundurinn hefði borið brátt að og Frederiksen hefði boðað til hans með skömmum fyrirvara. „Ég veit ekki með ykkur en stundum þarf maður kannski einhverja klukkutíma undirbúning að setja ofan í töskuna og koma sér út á flugvöll. Ég veit ekki hver fyrirvarinn var. Þetta er ekki mitt að tala um,“ sagð Inga um samráðherra sinn. Forsætisráðuneytið sagði að forsætisráðherra hefði verið látinn vita af fundi norrænu leiðtoganna sama dag og hann var haldinn og svo upplýstur um efni hans. Vill ekki ræða frekar um „gömul lík í lestinni“ Morgunblaðið hefur haldið úti stöðugri umfjöllun um málefni Flokks fólksins undanfarna daga og rifjaði í morgun upp væringar innan hans eftir Klaustursmálið svonefnda þar sem tveir þáverandi þingmenn flokksins komu fram í leynilegri upptöku sem var gerð af spjalli þingmanna Miðflokksins á öldurhúsi við hliðina á Alþingishúsinu árið 2017. Vísaði Morgunblaðið til þess að Karl Gauti Hjaltason, annar þáverandi þingmanna Flokks fólksins og núverandi þingmaður Miðflokksins, hefði gert athugasemdir við fjármál flokksins á þingflokksfundi, sérstaklega að Inga færi með prókúru. Inga sagðist ekki hafa neinn áhuga á að tala um „einhver gömul lík í lestinni“ sem dregin væru upp á yfirborðið til þess að reyna að klekkja á flokknum þegar honum gengi vel og væri kominn í ríkisstjórn. „Allur þessi tittlingaskítur sem er verið að draga upp til þess að reyna kasta rýrð á okkur og okkar góða samstarf í þessari samhentu, frábæru ríkisstjórn. Ég tek ekki lengur þátt í því,“ sagði félagsmálaráðherrann sem hét því að það yrðu sín síðustu orð um málið. „Hvað öðrum gengur til með því að halda áfram að grafa. Ég get ekki hjálpað því fólki og ég get ekki ráðið því. Það er málfrelsi hér og þau mega tala eins og þau vilja. Ég ætla hins vegar að reyna að vanda mig.“
Alþingi Flokkur fólksins Ríkisstjórn Kristrúnar Frostadóttur Fjölmiðlar Styrkir til stjórnmálasamtaka Upptökur á Klaustur bar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Pallborðið: Stungið höfðinu í sandinn í tuttugu ár Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kröfur kvennaárs komnar í innheimtu og gjalddaginn fallinn Innlent Annað safn rænt í Frakklandi um helgina Erlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira