Eftir að Matvælastofnun barst ábending um fiskeldið komust starfsmenn hennar að því að það væri stundað í húsnæði í Borgarfirði án rekstrar- og starfsleyfa. Húnsæðið var ekki talið uppfylla skilyrði laga og reglugerða um fiskeldi auk þess sem vörnum gegn stroki var ábótavant.
Eldið var á vegum veiðifélags sem flutti seiði í húsnæði til þess að ala þau og sleppa svo í veiðiá í vor.
Í tilkynningu frá Matvælastofnun kemur fram að stofnunin upplýsi frekar um málið eftir að rannsókn á því sé lokið.
