Á­stand sem ekki hefur sést áður

Fjármálaráðherra segir það mikil vonbrigði að verðbólga sé ekki á niðurleið. Við förum í búðina og ræðum við fólk um verðlagið.

Framkvæmdastjóri Einstakra barna segir velferðarkerfið hafa brugðist stórum hluta þeirra næstum níu hundruð barna sem glíma við sjaldgæfa sjúkdóma. Við fjöllum um málið í kvöldfréttum og verðum með ítarlega umfjöllun um málið í Íslandi í dag.

Samúel Karl Ólason, blaðamaður okkar, er nýkominn heim frá Úkraínu. Hann mætir í myndver og fer yfir það sem bar hæst í ferðinni. Þá verðum við í beinni útsendingu frá frumsýningu á leikritinu Birtingi á Akureyri og kynnum okkur munaðarlausan apa sem hefur heillað heimsbyggðina.

Þetta og margt fleira á samtengdum rásum Sýnar, Vísis og Bylgjunnar klukkan 18:30.