Gera kröfu um að varaaflsstöðin verði áfram í Vík Lovísa Arnardóttir skrifar 10. desember 2024 09:38 Einar Freyr segir það algjöra grundvallarkröfu að varaaflsstöðin verði áfram við Vík. Vísir/Ívar Fannar Einar Freyr Elínarson sveitarstjóri í Vík segir sveitarfélagið gera kröfu um það að varaaflsstöðin sem nú er við Vík verði þar áfram í vetur svo hægt verði að tryggja að íbúar og gestir sveitarfélagsins hafi öruggt aðgengi að rafmagni. Rafmagns-, Internet- og símalaust var í bænum í gær þegar rafmagnslína sem var plægð í Skógá bilaði. Leggja þurfti skólahald niður þegar rafmagn fór auk þess sem rafmagnsleysið hafði víðtæk áhrif á til dæmis hjúkrunarheimili sem er rekið í sveitarfélaginu. „Þeir verða að meta í Skógánni hvenær þeir geta byrjað að grafa. Þetta er auðvitað bara það sama og gerðist í september. Þá fór strengurinn í sundur undir jökulsá og það virðist ekkert ganga neitt sérstaklega vel með plægingu strengja í árfarvegi á þessu svæði,“ segir Einar Freyr í samtali við fréttastofu. Hann telji að það sé betra að leggja strengina í brýrna til að tryggja að þetta gerist ekki aftur. „Það var gert þannig í Jökulsá í september. Þetta er plægt niður um tvo og hálfan meter ofan í farveginn en samt virðast þær ná að ryðja sér niður og skemma þetta. Þannig þá er annar möguleiki að leggja í brúna og ég held að það væri betra í þessu tilviki og í öllu falli skynsamlegra.“ Hann segir uppbyggingu innviða á svæðinu ekki hafa haldið í við uppbyggingu í tengslum við bæði ferðaþjónustu og fjölgun íbúa og vonar að Landsnet og RARIK „ranki við sér“. Staðan verri nú en áður Hann segir stöðuna verri í dag en hún var fyrir nokkrum árum. Þá hafi varaaflsvélar alltaf verið nærri og hægt að keyra þær í gang en núna sé staðan þannig að það þurfti að keyra vélarnar frá Stöðvarfirði og Grindavík. „Það er krafan sem við gerum, og við sendum áskorun í gær á Landsnet og RARIK, á meðan að kerfið er svona óöruggt þá verðum við að hafa varaafl á staðnum þegar þetta gerist.“ Hann segir það nauðsynlegt til að tryggja öryggi og lífsgæði íbúa en auk þeirra íbúa sem búa á svæðinu þá sé íbúafjöldinn í raun alltaf margfaldaður með fjölda ferðamanna sem er á staðnum. Þeir hafi ekki sama aðgengi að til dæmis mat og ísskáp og fólk sem á heima í sveitarfélaginu. „Þó að aðstæður í gær hafi verið tiltölulega góðar því veður var skaplegt, þá er þetta líka að gerast í janúar, febrúar og mars og þá er að gera byl. Þá lokast jafnvel allt í nokkra daga og fólk fer ekki neitt. Fólk er fast á einhverju gistiheimili og það er ekki hægt að elda ofan í það eða fara neitt að kaupa mat,“ segir Einar Freyr og að þetta séu óboðlegar aðstæður fyrir alla. Einar Freyr segist hafa rætt við forstjóra RARIK í gær og í september líka um rafmagnsleysið. „Svörin eru á þá leið að þetta sé náttúran og það sé erfitt. Ég kenni ríkisstofnunum ekki um náttúruhamfarir eða vont veður en þetta er samt þannig að þegar maður býr á Íslandi á maður hlý föt ef það verður kalt úti og ef maður er að reka rafkerfi í Vík á maður varaaflsstöð. Því það getur oft orðið rafmagnslaust. Þetta snýst um lágmarksviðbúnað við aðstæðum sem geta komið upp.“ Fari sparlega með rafmagn Hann segir að ef varaaflsstöðin verði ekki á staðnum áfram geti þau lent í þessu áfram um jólin og þá sé mikill fjöldi ferðamanna á staðnum. „Þetta er í lagi á meðan varaaflið virkar og maður vonar að viðgerðin gangi vel. En þó að hún gangi eftir gerum við kröfu um að þetta varaafl verði hérna á svæðinu. Það er grundvallarkrafa hjá okkur.“ Í Mýrdalshreppi er mikill fjöldi vinsælla ferðamannaáfangastaða.Vísir/Egill Fram kemur í tilkynningu frá RARIK í dag að ekki liggi fyrir hvenær verði hægt að laga strenginn í Skógá. Þá kemur einnig fram að seinni bilunin í gær hafi verið vegna bilunar í jarðstreng sem liggur frá spennistöð við Ytri-Sólheima að sendi á Sjónarhól. Hláka og rigning hafi verið valdur þeirri bilun. Fram kom í tilkynningu frá RARIK í gær að aðstæður til viðgerða væru afar varasamar og að keyrt yrði á varaafli þar til henni lýkur. Þá kom einnig fram að metið yrði hvort senda þyrfti fleiri varaaflsvélar á vettvang ef það myndi kólna. Íbúar og gestir voru beðnir um að fara sparlega með rafmagn á meðan keyrt er á varaafli. „Sparnaður á rafmagni getur bæði falist í stórum og smáum hlutum, allt frá hleðslu rafbíla og hitastýringar innanhúss til smærri raftækja og jólaskreytinga,“ sagði í tilkynningu RARIK í gær. Uppfært þegar ný tilkynning barst frá RARIK. Uppfært klukkan 10:18 þann 10.12.2024. Mýrdalshreppur Orkumál Sveitarstjórnarmál Ferðamennska á Íslandi Mest lesið Stimpingar milli mótmælenda á Austurvelli Innlent Liggur þungt haldinn eftir stórfellda líkamsárás í Hlíðunum Innlent Hefja söfnun fyrir fjölskyldu Víglundar Innlent „Við erum engir rasistar“ Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent „Ef fram heldur sem horfir verður Aþena lögð niður í næstu viku“ Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Fleiri fréttir Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Sjá meira
Rafmagns-, Internet- og símalaust var í bænum í gær þegar rafmagnslína sem var plægð í Skógá bilaði. Leggja þurfti skólahald niður þegar rafmagn fór auk þess sem rafmagnsleysið hafði víðtæk áhrif á til dæmis hjúkrunarheimili sem er rekið í sveitarfélaginu. „Þeir verða að meta í Skógánni hvenær þeir geta byrjað að grafa. Þetta er auðvitað bara það sama og gerðist í september. Þá fór strengurinn í sundur undir jökulsá og það virðist ekkert ganga neitt sérstaklega vel með plægingu strengja í árfarvegi á þessu svæði,“ segir Einar Freyr í samtali við fréttastofu. Hann telji að það sé betra að leggja strengina í brýrna til að tryggja að þetta gerist ekki aftur. „Það var gert þannig í Jökulsá í september. Þetta er plægt niður um tvo og hálfan meter ofan í farveginn en samt virðast þær ná að ryðja sér niður og skemma þetta. Þannig þá er annar möguleiki að leggja í brúna og ég held að það væri betra í þessu tilviki og í öllu falli skynsamlegra.“ Hann segir uppbyggingu innviða á svæðinu ekki hafa haldið í við uppbyggingu í tengslum við bæði ferðaþjónustu og fjölgun íbúa og vonar að Landsnet og RARIK „ranki við sér“. Staðan verri nú en áður Hann segir stöðuna verri í dag en hún var fyrir nokkrum árum. Þá hafi varaaflsvélar alltaf verið nærri og hægt að keyra þær í gang en núna sé staðan þannig að það þurfti að keyra vélarnar frá Stöðvarfirði og Grindavík. „Það er krafan sem við gerum, og við sendum áskorun í gær á Landsnet og RARIK, á meðan að kerfið er svona óöruggt þá verðum við að hafa varaafl á staðnum þegar þetta gerist.“ Hann segir það nauðsynlegt til að tryggja öryggi og lífsgæði íbúa en auk þeirra íbúa sem búa á svæðinu þá sé íbúafjöldinn í raun alltaf margfaldaður með fjölda ferðamanna sem er á staðnum. Þeir hafi ekki sama aðgengi að til dæmis mat og ísskáp og fólk sem á heima í sveitarfélaginu. „Þó að aðstæður í gær hafi verið tiltölulega góðar því veður var skaplegt, þá er þetta líka að gerast í janúar, febrúar og mars og þá er að gera byl. Þá lokast jafnvel allt í nokkra daga og fólk fer ekki neitt. Fólk er fast á einhverju gistiheimili og það er ekki hægt að elda ofan í það eða fara neitt að kaupa mat,“ segir Einar Freyr og að þetta séu óboðlegar aðstæður fyrir alla. Einar Freyr segist hafa rætt við forstjóra RARIK í gær og í september líka um rafmagnsleysið. „Svörin eru á þá leið að þetta sé náttúran og það sé erfitt. Ég kenni ríkisstofnunum ekki um náttúruhamfarir eða vont veður en þetta er samt þannig að þegar maður býr á Íslandi á maður hlý föt ef það verður kalt úti og ef maður er að reka rafkerfi í Vík á maður varaaflsstöð. Því það getur oft orðið rafmagnslaust. Þetta snýst um lágmarksviðbúnað við aðstæðum sem geta komið upp.“ Fari sparlega með rafmagn Hann segir að ef varaaflsstöðin verði ekki á staðnum áfram geti þau lent í þessu áfram um jólin og þá sé mikill fjöldi ferðamanna á staðnum. „Þetta er í lagi á meðan varaaflið virkar og maður vonar að viðgerðin gangi vel. En þó að hún gangi eftir gerum við kröfu um að þetta varaafl verði hérna á svæðinu. Það er grundvallarkrafa hjá okkur.“ Í Mýrdalshreppi er mikill fjöldi vinsælla ferðamannaáfangastaða.Vísir/Egill Fram kemur í tilkynningu frá RARIK í dag að ekki liggi fyrir hvenær verði hægt að laga strenginn í Skógá. Þá kemur einnig fram að seinni bilunin í gær hafi verið vegna bilunar í jarðstreng sem liggur frá spennistöð við Ytri-Sólheima að sendi á Sjónarhól. Hláka og rigning hafi verið valdur þeirri bilun. Fram kom í tilkynningu frá RARIK í gær að aðstæður til viðgerða væru afar varasamar og að keyrt yrði á varaafli þar til henni lýkur. Þá kom einnig fram að metið yrði hvort senda þyrfti fleiri varaaflsvélar á vettvang ef það myndi kólna. Íbúar og gestir voru beðnir um að fara sparlega með rafmagn á meðan keyrt er á varaafli. „Sparnaður á rafmagni getur bæði falist í stórum og smáum hlutum, allt frá hleðslu rafbíla og hitastýringar innanhúss til smærri raftækja og jólaskreytinga,“ sagði í tilkynningu RARIK í gær. Uppfært þegar ný tilkynning barst frá RARIK. Uppfært klukkan 10:18 þann 10.12.2024.
Mýrdalshreppur Orkumál Sveitarstjórnarmál Ferðamennska á Íslandi Mest lesið Stimpingar milli mótmælenda á Austurvelli Innlent Liggur þungt haldinn eftir stórfellda líkamsárás í Hlíðunum Innlent Hefja söfnun fyrir fjölskyldu Víglundar Innlent „Við erum engir rasistar“ Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent „Ef fram heldur sem horfir verður Aþena lögð niður í næstu viku“ Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Fleiri fréttir Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Sjá meira