Eftir­lýstur fram­bjóðandi dregur sig í hlé

Fréttastofa RÚV greinir frá þessu. Christopher G. Krystynuson, dr. í jarðfræði og verkfræðingur, er eftirlýstur af pólsku lögrgelunni en yfirvöld þar í landi hafa óskað eftir því að maðurinn verði framseldur til Póllands sem íslensk yfirvöld hafa hafnað.

Christopher hefur verið búsettur á Íslandi í áratugi en var áður skráður í þjóðskrá undir nafninu Krzysztof Gajowski og er eftirlýstur undir því nafni fyrir fjársvik af lögreglunni í bænum Gryfino í Póllandi. 

Í tilkynningu frá Sjálfstæðisflokknum segir að Christopher hafi að eigin frumkvæði dregið framboð sitt til baka. „En í ljós hefur komið að hann uppfyllir ekki kjörgengisskilyrði til setu á Alþingi,“ segir í tilkynningunni.

Aðrir sem skipa sæti neðar á framboðslistanum munu því færast upp um eitt sæti. Christopher sagði í samtali við RÚV að málið snúist um fyrirtæki sem hann rak í Póllandi fyrir nærri þremur áratugum. Komið hafi til málaferla eftir að fyrirtækið varð gjaldþrota.

Hann hafi þá flutt úr landi áður en til refsingar kom og málið því enn óklárað.