Innlent

Loka Fjölskyldulandi í næstu viku

Lovísa Arnardóttir skrifar
Krisztina G. Agueda, stofnandi Fjölskyldulands, og Nicole Leigh Mosty, stjórnarkona.
Krisztina G. Agueda, stofnandi Fjölskyldulands, og Nicole Leigh Mosty, stjórnarkona. Vísir/Arnar

Innileikvellinum Fjölskyldulandi verður lokað í næstu viku. Innan við tvö ár eru frá því að leikvöllurinn var opnaður í Dugguvogi. Fjölskylduland er fyrir fjölskyldur með börn á leikskólaaldri og í fyrsta bekk í grunnskóla. Haldin hafa verið námskeið þar fyrir börn auk þess sem leikvöllurinn var opinn fólki gegn gjaldi.

Hægt var að kaupa meðlimakort til að fá afslátt að aðgangi að miðstöðinni á 6.800 krónur sem gilti í ár. Stakur aðgangur án þess að vera meðlimur fyrir eitt barn kostaði 2.800 krónur en 1.680 fyrir meðlimi. Hægt var að kaupa 10 skipta klippikort á 22 þúsund fyrir meðlimi en 13.800 fyrir þau sem voru meðlimir.

„Með sorg í hjarta viljum við tilkynna að Fjölskylduland mun varanlega loka dyrum sínum 29. október 2024, aðeins nokkrum dögum fyrir tveggja ára afmæli okkar. Þessi ákvörðun var tekin vegna þess að við stöndum frammi fyrir áskorunum sem við ráðum ekki við,“ segir í tilkynningu um málið á Facebook.

Innileikvöllurinn er nokkuð stór og hentar ungum börnum.Fjölskylduland

Fjallað var um rekstrarerfiðleika miðstöðvarinnar í sumar í kvöldfréttum Stöðvar 2. Eigendur sögðu miðstöðina afar mikilvæga til dæmis fjölskyldum af erlendum uppruna. Reksturinn hafi ekki gengið nægilega vel og það stefndi í lokun. Hún hefur nú verið staðfest.

„Við erum ævinlega þakklát hverjum og einum sem kom til okkar og lífgaði upp á okkar fallega Fjölskylduland. Ykkar stuðningur er eitthvað sem við munum alltaf muna eftir,“ segir jafnframt í tilkynningunni.

Börn og uppeldi Leikskólar Reykjavík

Tengdar fréttir

Biðstaða á leikskólum -Fjölskylduland bjargar geðheilsunni

Sonur minn sem er 2,5 árs hefur enn ekki fengið að mæta á leikskólann sem hann komst inn á núna í haust, vegna manneklu. Það þarf að ráða inn 6 starfsmenn áður en hann má mæta, sem þýðir að það gæti mögulega gerst eftir áramót eða næsta haust. Þessi óvissa er mjög óþægileg.

Stóð frammi fyrir því að loka eða fara alla leið

Árið 2007 kviknaði hugmynd hjá Krisztinu G. Agueda sem í ár varð loksins að veruleika. Hugmyndin er Fjölskylduland, staður þar sem tilvonandi foreldrar og foreldrar ungra barna geta komið saman og einnig sótt sér fræðslu.

Mest lesið


Fleiri fréttir

Sjá meira


×

Mest lesið