„Hann hefur fyrir vana að ráða fólk til vinnu en greiða þeim svo ekki laun“ Magnús Jochum Pálsson skrifar 12. september 2024 21:44 Sólveig Anna Jónsdóttir, formaður Eflingar, segir að auðvelt sé að komast með launaþjófnað á Íslandi. Þeir sem stundi hann leggist á erlent verkafólk sem sé í veikri stöðu. Vísir/Arnar Formaður Eflingar segir mótmæli fyrir utan Ítalíu tilkomin vegna stórfellds launaþjófnaðar eigandans. Vandinn sé að á Íslandi er ekkert mál að stela launum. Menn komi sér því upp viðskiptamódeli sem gangi út að ráða erlent verkafólk og greiða þeim ekki laun. „Við erum hér samankomin meðlimir í trúnaðarráði Eflingar og fólk sem hefur lent í klónum á Elvari Ingimarssyni sem rekur meðal annars veitingastaðinn Ítalíu,“ sagði Sólveig Anna Jónsdóttir, formaður Eflingar um mótmælin í samtali við fréttastofu. „Við erum hér vegna þess að Elvar Ingimarsson er launaþjófur. Hann hefur fyrir vana að ráða fólk til vinnu en greiða þeim svo ekki laun.“ Sólveig segir að á síðustu tveimur árum hafi gríðarlegur fjöldi mála komið á borð Eflingar vegna launaþjófnaðar Elvars og annarra brota hans. „Við erum að tala um mörg hundruðir þúsunda, jafnvel yfir milljón af launum sem fólk hefur ekki fengið greitt,“ segir hún. Engar sektir eða raunverulegar refsingar Í tilkynningu Eflingar sem var send út fyrr í kvöld kom fram að alla jafna séu ekki gerðir skriflegir ráðningarsamningar við fólk sem hefur störf á veitingahúsum sem Elvar Ingimarsson rekur, það fái sjaldan eða ekki afhenta launaseðla og ítrekuð vanskil hafi verið á greiðslum iðgjalda til stéttarfélagsins. Fulltrúar Eflingar mótmæla fyrir utan veitingastaðinn Ítalíu á Frakkastíg fimmtudagskvöldið 12. september 2024.Vísir/Magnús „Vandinn sem fólkið sem lendir í klónum á honum og við stöndum frammi fyrir er sá að á Íslandi er ekkert mál að stela launum. Það eru engar sektir, það eru engar raunverulegar refsingar þannig að menn eins og Elvar Ingimarsson geta komið sér upp viðskiptamódeli sem bókstaflega gengur út á þetta.“ Sólveig segir Eflingarfélaga ekki lengur ætla að sitja þegjandi hjá. „Við erum hér komin til að mótmæla þeim aðstæðum sem að ríkja inni á þessum vinnustað, Ítalíu, sem og öðrum stöðum sem hann rekur og á öllum hinum stöðunum þar sem svona framferði viðgengst,“ segir hún. Menn leggist á aðflutt verkafólk Mótmæli sem þessi hljóta að vera örþrifaráð fyrst ekkert annað gengur. Hvað hefur leitt til þessa? „Ég ætla nú ekki að segja að þetta sér örþrifaráð heldur eðlileg aðgerð í lýðræðissamfélagi þar sem málfrelsi ríkir. Ástæðan er því miður sú að þrátt fyrir að fólk leiti til stéttarfélags, sendar séu út kröfur og að við notum allar þær leiðir sem við höfum skilar það ekki árangri vegna þess að það eru alltaf ný fórnarlömb sem birtast. Menn eins og Elvar leggjast sérstaklega á aðflutt verkafólk,“ segir Sólveig. Sólveig kallar eftir aðgerðum yfirvalda til að stöðva launaþjófnað.Vísir/Arnar Eins og sakir standa sé launaþjófnaður því ekki raunverulega refsivert athæfi. Það sé vandinn sem Efling krefst að sé leystur og kallar Sólveig eftir því að stjórnvöld og Samtök atvinnulífsins standi með félaginu í baráttunni. Hvernig hafa samskipti ykkar við Elvar verið? „Samskipti okkar félagsfólks hafa verið satt best að segja ömurleg. Samskipti félagsins fara fram við hann með hefðbundnum hætti fram að þessu en við skulum sjá hvað gerist í kjölfar þessarar mótmælastöðu,“ segir Sólveig. Eru þetta hugsuð sem stök mótmæli eða ætlið þið að mótmæla frekar? „Það á eftir að koma í ljós. Við erum svo sannarlega tilbúin til þess að halda áfram að mótmæli ef þess þarf.“ Sviku loforð um að berjast gegn launaþjófnaði Sólveig segir launaþjófnað stórkostlegt vandamál sem þurfi að uppræta strax. Áhugaleysi stjórnvalda hafi leyft honum að grassera óáreittum. Er launaþjófnaður sem þessi víða í samfélaginu? „Launaþjófnaður er ein stærsta meinsemd á íslenskum vinnumarkaði. Við höfum verið að berjast gegn honum og berjast fyrir viðurlögum allt frá árinu 2018. Því miður hefur það verið svo að enginn áhugi hefur verið á málinu hjá stjórnvöldum,“ segir Sólveig. „Okkur var í raun lofað þegar við undirrituðum Lífskjarasamningana að barist yrði gegn launaþjófnaði. Það loforð var svikið, því miður. Þess vegna þurfum við að halda hér áfram,“ segir hún að lokum. Stéttarfélög Veitingastaðir Innflytjendamál Kjaramál Reykjavík Deilur Eflingar og Ítalíu Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent Segjast hafa skotið niður indverskar herþotur Erlent „Íslenskir bankar eru með belti, axlabönd, sikrisnælur og hjálma“ Innlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira
„Við erum hér samankomin meðlimir í trúnaðarráði Eflingar og fólk sem hefur lent í klónum á Elvari Ingimarssyni sem rekur meðal annars veitingastaðinn Ítalíu,“ sagði Sólveig Anna Jónsdóttir, formaður Eflingar um mótmælin í samtali við fréttastofu. „Við erum hér vegna þess að Elvar Ingimarsson er launaþjófur. Hann hefur fyrir vana að ráða fólk til vinnu en greiða þeim svo ekki laun.“ Sólveig segir að á síðustu tveimur árum hafi gríðarlegur fjöldi mála komið á borð Eflingar vegna launaþjófnaðar Elvars og annarra brota hans. „Við erum að tala um mörg hundruðir þúsunda, jafnvel yfir milljón af launum sem fólk hefur ekki fengið greitt,“ segir hún. Engar sektir eða raunverulegar refsingar Í tilkynningu Eflingar sem var send út fyrr í kvöld kom fram að alla jafna séu ekki gerðir skriflegir ráðningarsamningar við fólk sem hefur störf á veitingahúsum sem Elvar Ingimarsson rekur, það fái sjaldan eða ekki afhenta launaseðla og ítrekuð vanskil hafi verið á greiðslum iðgjalda til stéttarfélagsins. Fulltrúar Eflingar mótmæla fyrir utan veitingastaðinn Ítalíu á Frakkastíg fimmtudagskvöldið 12. september 2024.Vísir/Magnús „Vandinn sem fólkið sem lendir í klónum á honum og við stöndum frammi fyrir er sá að á Íslandi er ekkert mál að stela launum. Það eru engar sektir, það eru engar raunverulegar refsingar þannig að menn eins og Elvar Ingimarsson geta komið sér upp viðskiptamódeli sem bókstaflega gengur út á þetta.“ Sólveig segir Eflingarfélaga ekki lengur ætla að sitja þegjandi hjá. „Við erum hér komin til að mótmæla þeim aðstæðum sem að ríkja inni á þessum vinnustað, Ítalíu, sem og öðrum stöðum sem hann rekur og á öllum hinum stöðunum þar sem svona framferði viðgengst,“ segir hún. Menn leggist á aðflutt verkafólk Mótmæli sem þessi hljóta að vera örþrifaráð fyrst ekkert annað gengur. Hvað hefur leitt til þessa? „Ég ætla nú ekki að segja að þetta sér örþrifaráð heldur eðlileg aðgerð í lýðræðissamfélagi þar sem málfrelsi ríkir. Ástæðan er því miður sú að þrátt fyrir að fólk leiti til stéttarfélags, sendar séu út kröfur og að við notum allar þær leiðir sem við höfum skilar það ekki árangri vegna þess að það eru alltaf ný fórnarlömb sem birtast. Menn eins og Elvar leggjast sérstaklega á aðflutt verkafólk,“ segir Sólveig. Sólveig kallar eftir aðgerðum yfirvalda til að stöðva launaþjófnað.Vísir/Arnar Eins og sakir standa sé launaþjófnaður því ekki raunverulega refsivert athæfi. Það sé vandinn sem Efling krefst að sé leystur og kallar Sólveig eftir því að stjórnvöld og Samtök atvinnulífsins standi með félaginu í baráttunni. Hvernig hafa samskipti ykkar við Elvar verið? „Samskipti okkar félagsfólks hafa verið satt best að segja ömurleg. Samskipti félagsins fara fram við hann með hefðbundnum hætti fram að þessu en við skulum sjá hvað gerist í kjölfar þessarar mótmælastöðu,“ segir Sólveig. Eru þetta hugsuð sem stök mótmæli eða ætlið þið að mótmæla frekar? „Það á eftir að koma í ljós. Við erum svo sannarlega tilbúin til þess að halda áfram að mótmæli ef þess þarf.“ Sviku loforð um að berjast gegn launaþjófnaði Sólveig segir launaþjófnað stórkostlegt vandamál sem þurfi að uppræta strax. Áhugaleysi stjórnvalda hafi leyft honum að grassera óáreittum. Er launaþjófnaður sem þessi víða í samfélaginu? „Launaþjófnaður er ein stærsta meinsemd á íslenskum vinnumarkaði. Við höfum verið að berjast gegn honum og berjast fyrir viðurlögum allt frá árinu 2018. Því miður hefur það verið svo að enginn áhugi hefur verið á málinu hjá stjórnvöldum,“ segir Sólveig. „Okkur var í raun lofað þegar við undirrituðum Lífskjarasamningana að barist yrði gegn launaþjófnaði. Það loforð var svikið, því miður. Þess vegna þurfum við að halda hér áfram,“ segir hún að lokum.
Stéttarfélög Veitingastaðir Innflytjendamál Kjaramál Reykjavík Deilur Eflingar og Ítalíu Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent Segjast hafa skotið niður indverskar herþotur Erlent „Íslenskir bankar eru með belti, axlabönd, sikrisnælur og hjálma“ Innlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira