Nú er hægt að fara í kynsjúkdómapróf án þess að tala við neinn

Í tilkynningu á vef Landspítalans segir að þeir sem þurfi að nýta þjónustu deildarinnar þurfi einungis að fylla úr spurningalista í Landspítalaappinu og fá í framhaldinu strikamerki sem notað er til að opna snjallbox á húð og kyn. 

Í snjallboxinu megi finna sýnatökuglas og leiðbeiningar. Að rannsókn lokinni verði niðurstöðurnar sendar beint í appið.

Í tilkynningu segir að Landspítalinn vonist til þess að þetta hvetji ungt fólk til þess að láta athuga sig ef grunur vaknar um kynsjúkdómasmit.