Allar hugmyndir voru góðar hugmyndir Steinunn Þorsteinsdóttir skrifar 29. desember 2023 11:01 Þannig var árið okkar hjá Landsneti – ár krefjandi verkefna, stórra viðgerða, breytinga, nýsköpunar, umhverfis, veðurs, ísingar, jarðhræringa, samtals, uppbyggingaráforma og ár þar sem öllum góðum hugmyndum var fagnað. Við fluttum lífsgæði í miklu magni á landi, láði og í lofti – rafmagn sem er undirstaðan í öflugum samfélögum, veitir von, byggir upp og leggur grunn að daglegu lífi hjá okkur. Og okkur gekk vel, þrátt fyrir nokkrar stórar truflanir, veður, ísingar og jarðhræringar. En stiklum aðeins á stóru og horfum til baka á sögurnar sem stóðu upp úr á okkar miðlum – sögur þar sem okkar fólk stóð í stafni, yfirvegað og öruggt. Árið byrjaði með hvelli, veðurviðvörunum og óvæntri bilun á Vestmanneyjastreng 3 og ljóst varð að fram undan yrði löng og umfangsmikil viðgerð þar sem við þurftum að hugsa út fyrir boxið. Allar hugmyndir voru góða hugmyndir og ein þeirra, að tengja saman leiðara úr tveimur biluðum strengjum, skilaði okkur því að við þurftum varla að brenna olíu til að halda Eyjunum gangandi þessa sex mánuði sem strengurinn var bilaður - umhverfisvænt og við spöruðum um leið umtalsverðar fjárhæðir. Línurnar með langa nafninu, Holtavörðuheiðarlínur 1 og 3 áttu sviðið þegar kom að undirbúningi og samtali, línur sem munu eiga stóran þátt í orkuskiptunum og leiðinni að settum markmiðum. Við vorum líka í framkvæmdum í kringum höfuðborgina og tókum niður gömul möstur sem höfðu þjónað okkur vel og lengi. Möstrin voru felld, bútuð niður á staðnum og send í endurvinnslu. Hluti af svæðinu sem unnið er á er vatnsverndarsvæði og fylgdi framkvæmdinni ítarleg áhættugreining . Við lögðum líka nokkra jarðstrengi á árinu, við Fitjar á Reykjanesi og í Kópaskerslínu. Og talandi um jarðstrengi þá tókum við þátt í tilraun til að mæla áhrif hrauns og hita á stæður, stög og strengi en í þetta skipti náði hraunið ekki að renna nógu langt til þess að við gætum lokið við tilraunina, tilraun sem aldrei áður hefur verið gerð í heiminum. Jarðhræringarnar voru í stóru hlutverki í sögu ársins og við vorum um tíma með starfsemina okkar á neyðarstigi vegna mögulegs eldgoss á svæðinu í kringum Svartsengi. Flutningskerfið stóð af sér jarðskjálftana og við hækkuðum mastur í Svartsengislínu til þess að línan gnæfði yfir garðinn, varnargarðinn sem verið er að reisa í kringum Svartsengi. Veður setti líka mark sitt á árið – veðurviðvaranir, vindur og ísingar og það var nóg að gera hjá okkar fólki í netrekstrinum og stjórnstöðinni – vinna sem öll var unnin af mikilli yfirvegun og öryggi sem eins og okkar línugengi einu er lagið. Sögulegt samkomulag var gert við Sveitarfélagið Voga um lagningu Suðurnesjalínu 2, samkomulag sem var mikið fagnaðarefni fyrir okkur öll. En framkvæmdaleyfin eru ekki í höfn enn þá þar sem kæra liggur fyrir Úrskurðarnefnd umhverfis- og auðlindamála. Ljós veitir von og við tókum þátt í að senda varahluti til Úkraínu og þannig leggja okkar af mörkum til að aðstoða við endurreisnina á flutningskerfinu þar. Hvað framtíðin ber þar svo í skauti sér er önnur saga. En í okkar huga er uppbygging orkuinnviða grunnforsenda framtíðar, bæði þar og hér heima. Við gáfum út í fyrsta skipti okkar eigin Raforkuspá þar sem flutningskerfi raforku er lykilþátturinn í að við náum þeim markmiðum sem sett hafa verið þegar kemur að orkuskiptum. Orkuöryggi var mikið í umræðunni á árinu, málefni sem við höfum lengi talað fyrir og munum gera áfram. Stundum er eins og ekkert þokist áfram og þegar horft var á Rafhring Íslands á RUV í sumar voru, fimmtíu árum síðar, enn mörg kunnugleg stef – orkuskortur, olíu- og bensínverð í hæstu hæðum, stríð fyrir botni Miðjarðarhafs og bygging fyrstu kynslóðar byggðalínunnar að ljúka. Ný kynslóð byggðalínu er nú að taka við. Við hjá Landsneti erum nú að ljúka okkar fyrsta ári sem fyrirtæki í eigu ríkisins, ár sem hefur verið krefjandi, fullt af verkefnum og sögum – sögum sem við hvetjum ykkur til fylgjast með í framtíðinni á miðlum okkar – vefsíðu, samfélagsmiðum og í Landsnetshlaðvarpinu. Hjá okkur er framtíðin ljós, verkefnin rafmögnuð og við mjög spennt að takast á við það sem næstu ár munu bjóða ykkur upp á. Kærar þakkir fyrir samstarfið og samskiptin árinu - við óskum þér og þínum bjartrar og gleðilegrar hátíðar og spennandi nýs árs. Höfundur er upplýsingafulltrúi Landsnets. Viltu birta grein á Vísi? Sendu okkur póst. Senda grein Fjarskipti Varnargarðar á Reykjanesskaga Mest lesið Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Magga Stína! Helga Völundardóttir Skoðun Kæra Epli, skilur þú mig? Lilja Dögg Jónsdóttir Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Að búa til aðalsmenn Kolbrún Baldursdóttir Skoðun Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Slæm innivist skerðir afköst og hækkar kostnað Ingibjörg Magnúsdóttir Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Skoðun Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar Skoðun Kæra Epli, skilur þú mig? Lilja Dögg Jónsdóttir skrifar Skoðun Þorgerður og erlendu dómstólarnir Hjörtur J. Guðmundsson skrifar Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir skrifar Skoðun Lyftum umræðunni á örlítið hærra plan Jóna Hlíf Halldórsdóttir skrifar Skoðun Lykillinn að hamingju og heilbrigði Auður Kjartansdóttir skrifar Skoðun Staða bænda styrkt Hanna Katrín Friðriksson skrifar Skoðun Transumræðan og ruglið um fjölda kynja Einar Steingrímsson skrifar Skoðun Leikskólar eru ekki munaður Íris Eva Gísladóttir skrifar Skoðun Vísindarannsóknir og þróun – til umhugsunar í tiltekt Þorgerður J. Einarsdóttir skrifar Skoðun 752 dánir vegna geðheilsuvanda – enginn vegna fjölþáttaógnar Grímur Atlason skrifar Skoðun Foreldrar þurfa bara að vera duglegri Björg Magnúsdóttir skrifar Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar Skoðun Dýrkeypt eftirlitsleysi Lilja Björk Guðmundsdóttir skrifar Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar Skoðun Svindl eða sjálfsvernd? Sigurður Árni Reynisson skrifar Skoðun Magga Stína! Helga Völundardóttir skrifar Skoðun Mannauðurinn á vinnustaðnum þarf góða innivist til að dafna Ásta Logadóttir skrifar Skoðun Þetta er námið sem lifir áfram Bryngeir Valdimarsson skrifar Skoðun Árborg - spennandi kostur fyrir öll Guðný Björk Pálmadóttir skrifar Skoðun Tökum á glæpahópum af meiri þunga Þorbjörg Sigríður Gunnlaugsdóttir skrifar Skoðun Minntist ekkert á Evrópusambandið Hjörtur J. Guðmundsson skrifar Skoðun Hugsum stórt í skipulags- og samgöngumálum Hilmar Ingimundarson skrifar Skoðun Eitt eilífðar smáblóm Þorgerður Katrín Gunnarsdóttir skrifar Skoðun Betri mönnun er lykillinn Skúli Helgason,Sabine Leskopf skrifar Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson skrifar Skoðun Getur Ísland staðið fremst í heilsutækni? Arna Harðardóttir skrifar Skoðun Slæm innivist skerðir afköst og hækkar kostnað Ingibjörg Magnúsdóttir skrifar Sjá meira
Þannig var árið okkar hjá Landsneti – ár krefjandi verkefna, stórra viðgerða, breytinga, nýsköpunar, umhverfis, veðurs, ísingar, jarðhræringa, samtals, uppbyggingaráforma og ár þar sem öllum góðum hugmyndum var fagnað. Við fluttum lífsgæði í miklu magni á landi, láði og í lofti – rafmagn sem er undirstaðan í öflugum samfélögum, veitir von, byggir upp og leggur grunn að daglegu lífi hjá okkur. Og okkur gekk vel, þrátt fyrir nokkrar stórar truflanir, veður, ísingar og jarðhræringar. En stiklum aðeins á stóru og horfum til baka á sögurnar sem stóðu upp úr á okkar miðlum – sögur þar sem okkar fólk stóð í stafni, yfirvegað og öruggt. Árið byrjaði með hvelli, veðurviðvörunum og óvæntri bilun á Vestmanneyjastreng 3 og ljóst varð að fram undan yrði löng og umfangsmikil viðgerð þar sem við þurftum að hugsa út fyrir boxið. Allar hugmyndir voru góða hugmyndir og ein þeirra, að tengja saman leiðara úr tveimur biluðum strengjum, skilaði okkur því að við þurftum varla að brenna olíu til að halda Eyjunum gangandi þessa sex mánuði sem strengurinn var bilaður - umhverfisvænt og við spöruðum um leið umtalsverðar fjárhæðir. Línurnar með langa nafninu, Holtavörðuheiðarlínur 1 og 3 áttu sviðið þegar kom að undirbúningi og samtali, línur sem munu eiga stóran þátt í orkuskiptunum og leiðinni að settum markmiðum. Við vorum líka í framkvæmdum í kringum höfuðborgina og tókum niður gömul möstur sem höfðu þjónað okkur vel og lengi. Möstrin voru felld, bútuð niður á staðnum og send í endurvinnslu. Hluti af svæðinu sem unnið er á er vatnsverndarsvæði og fylgdi framkvæmdinni ítarleg áhættugreining . Við lögðum líka nokkra jarðstrengi á árinu, við Fitjar á Reykjanesi og í Kópaskerslínu. Og talandi um jarðstrengi þá tókum við þátt í tilraun til að mæla áhrif hrauns og hita á stæður, stög og strengi en í þetta skipti náði hraunið ekki að renna nógu langt til þess að við gætum lokið við tilraunina, tilraun sem aldrei áður hefur verið gerð í heiminum. Jarðhræringarnar voru í stóru hlutverki í sögu ársins og við vorum um tíma með starfsemina okkar á neyðarstigi vegna mögulegs eldgoss á svæðinu í kringum Svartsengi. Flutningskerfið stóð af sér jarðskjálftana og við hækkuðum mastur í Svartsengislínu til þess að línan gnæfði yfir garðinn, varnargarðinn sem verið er að reisa í kringum Svartsengi. Veður setti líka mark sitt á árið – veðurviðvaranir, vindur og ísingar og það var nóg að gera hjá okkar fólki í netrekstrinum og stjórnstöðinni – vinna sem öll var unnin af mikilli yfirvegun og öryggi sem eins og okkar línugengi einu er lagið. Sögulegt samkomulag var gert við Sveitarfélagið Voga um lagningu Suðurnesjalínu 2, samkomulag sem var mikið fagnaðarefni fyrir okkur öll. En framkvæmdaleyfin eru ekki í höfn enn þá þar sem kæra liggur fyrir Úrskurðarnefnd umhverfis- og auðlindamála. Ljós veitir von og við tókum þátt í að senda varahluti til Úkraínu og þannig leggja okkar af mörkum til að aðstoða við endurreisnina á flutningskerfinu þar. Hvað framtíðin ber þar svo í skauti sér er önnur saga. En í okkar huga er uppbygging orkuinnviða grunnforsenda framtíðar, bæði þar og hér heima. Við gáfum út í fyrsta skipti okkar eigin Raforkuspá þar sem flutningskerfi raforku er lykilþátturinn í að við náum þeim markmiðum sem sett hafa verið þegar kemur að orkuskiptum. Orkuöryggi var mikið í umræðunni á árinu, málefni sem við höfum lengi talað fyrir og munum gera áfram. Stundum er eins og ekkert þokist áfram og þegar horft var á Rafhring Íslands á RUV í sumar voru, fimmtíu árum síðar, enn mörg kunnugleg stef – orkuskortur, olíu- og bensínverð í hæstu hæðum, stríð fyrir botni Miðjarðarhafs og bygging fyrstu kynslóðar byggðalínunnar að ljúka. Ný kynslóð byggðalínu er nú að taka við. Við hjá Landsneti erum nú að ljúka okkar fyrsta ári sem fyrirtæki í eigu ríkisins, ár sem hefur verið krefjandi, fullt af verkefnum og sögum – sögum sem við hvetjum ykkur til fylgjast með í framtíðinni á miðlum okkar – vefsíðu, samfélagsmiðum og í Landsnetshlaðvarpinu. Hjá okkur er framtíðin ljós, verkefnin rafmögnuð og við mjög spennt að takast á við það sem næstu ár munu bjóða ykkur upp á. Kærar þakkir fyrir samstarfið og samskiptin árinu - við óskum þér og þínum bjartrar og gleðilegrar hátíðar og spennandi nýs árs. Höfundur er upplýsingafulltrúi Landsnets.
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk skrifar
Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman skrifar
Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar
Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar
Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun