Hun­ter Biden á­kærður

Lögmaður Biden hefur sakað sérstakan saksóknara í málinu, Davis Weiss, um að gefa undan pólitískum þrýstingi í málinu. Hann tók við því þegar samkomulag milli Biden og yfirvalda um vægari sakir fór út um þúfur fyrir um tveimur mánuðum.

Þetta mun vera í fyrsta sinn sem sonur sitjandi forseta er ákærður fyrir brot á alríkislögum. Biden á yfir höfði sér allt að tíu ára fangelsi, fyrir að hafa logið að byssusalanum um eiturlyfjanotkun sína og fyrir að eiga skotvopn sem eiturlyfjaneytandi.

Málið þykir líklegt til að verða föður hans fjötur um fót í forsetakosningunum á næsta ári en sjálfur glímir Joe Biden nú við tilraunir Repúblikana á þinginu sem freista þess að gefa út ákærur á hendur honum í tengslum við viðskipti sonarins.

Rannsóknin á Hunter hefur staðið yfir í um fimm ár og Weiss segir ekki útilokað að fleiri ákærður verði gefnar út á hendur honum.