Helmings­hækkun á stuðningi til einka­rekinna fjöl­miðla

Lilja Al­freðs­dóttir, við­skipta-og menningar­mála­ráð­herra, inn­leiddi stuðnings­að­gerðir til einka­rekinna fjöl­miðla fyrst árið 2018. Þá nam stuðningurinn 400 milljónum á ári.

Í fjár­laga­frum­varpinu fyrir árið 2024 kemur fram að breytingin á stuðningnum nú nemi 360 milljónum króna. Gert er ráð fyrir því að hann nemi nú 727,2 milljónum króna og er um að ræða helmings­hækkun.

Heildar­fjár­heimild til mála­flokksins fyrir árið 2024 er á­ætluð rúmir 6,9 milljarðar króna og hækkar um 661,6 milljónir króna frá gildandi fjár­lögum að frá­töldum al­mennum launa-og verð­lags­breytingum sem nema 7 milljónir króna.

Gert er ráð fyrir því að 6,1 milljarður fari í rekstrar­fram­lög til Ríkis­út­varpsins. 97,2 milljónir í rekstur Fjöl­miðla­nefndar. Að því er segir í frum­varpinu nemur tap Ríkis­út­varpsins vegna reksturs árið 2023 164 milljónum króna.