Myndir: Viðbúnaður og vegalokanir vegna leiðtogafundarins í Hörpu

Kristinn Haukur Guðnason skrifar 15. maí 2023 14:40

Öryggið er í fyrrrúmi þegar tugir þjóðarleiðtoga heimsækja Reykjavík. Vilhelm Gunnarsson

Í miðborg Reykjavíkur má víða sjá brynjaða lögreglumenn með byssukjaftana á lofti. Viðbúnaður hefur sjaldan eða aldrei verið meiri enda von á flestum þjóðarleiðtogum Evrópu í tilefni af leiðtogafundi Evrópuráðsins í vikunni.

Öryggið verður í algjöru fyrirrúmi á fundinum. Svæðið í kringum Hörpu verður lokað almenningi og enn stærra svæði lokað bílaumferð. Lokunin tekur gildi klukkan 23 í kvöld og gildir til klukkan 18 á miðvikudag. Þá verður allt drónaflug bannað yfir stórum hluta höfuðborgarsvæðisins, Keflavíkurflugvelli og Reykjanesbrautinni.

Á meðal þeirra sem koma á leiðtogafundinn má nefna Ursulu von der Leyen, forseta framkvæmdastjórnar Evrópusambandsins, Emmanuel Macron, Frakklandsforseta, Olaf Scholz, kanslara Þýskalands, Rishi Sunak, forsætisráðherra Bretlands, Giorgiu Meloni, forsætisráðherra Ítalíu, og Mette Fredriksen, forsætisráðherra Danmerkur.

Danskur lögreglubíll við Hörpuna.Vilhelm Gunnarsson

Rafskútur verða bannaðar nálægt leiðtogafundinum.Vilhelm Gunnarsson

Brosið er vingjarnlegt þó að hólkurinn sé það ekki.Vilhelm Gunnarsson

Undirbúningur í gangi á Austurvelli.Vilhelm Gunnarsson

Grindur verða settar upp á Lækjargötu.Vilhelm Gunnarsson

Nærri allir lögreglumenn landsins koma að viðburðinum.Vilhelm Gunnarsson

Danska lögreglan aðstoðar við öryggisgæslu á fundinum.Vilhelm Gunnarsson

Ofan á Hörpu er verið að bardúsa við að koma fyrir leyniskyttubyrgi.Vilhelm Gunnarsson

Þó að eftirvænting og spenna sé í loftinu gengur lífið sinn vanagang hjá flestum í miðborginni.Vilhelm Gunnarsson

Landhelgisgæslan tekur þátt í að tryggja öryggi fundarins. Bæði í legi og lofti.Vilhelm Gunnarsson

Þeir sem ætla í miðbæinn verða að fara á tveimur jafnfljótum.Vilhelm Gunnarsson

Leiðtogafundur undirbúinn í Hörpu Harpan Reykjavík, gríðarleg öryggisgæsla í miðbænum

Hluta hafnarinnar hefur verið lokað fyrir umferð skipa.Vilhelm Gunnarsson

Leiðtogafundur Evrópuráðsins í Reykjavík 2023 Lögreglan Reykjavík

Tengdar fréttir

Örfáir þjóðarleiðtogar ekki boðað komu sína

Leiðtogar rúmlega fjörutíu af 46 aðildarríkjum Evrópuráðsins hafa boðað komu sína hingað til lands í næstu viku. Þeirra á meðal eru Olaf Scholz, kanslari Þýskalands, og Emmanuel Macron, forseti Frakklands. Komist leiðtogar ekki á fundinn mæta í flestum tilfellum utanríkisráðherrar í þeirra stað.

9. maí 2023 14:53

Lokað fyrir bíla og strætó í nágrenni leiðtogafundarins

Stórum hluta miðborgarinnar verður lokað fyrir umferð ökutækja, þar á meðal strætisvagna, á meðan á leiðtogafundi Evrópuráðsins stendur í Hörpu eftir tvær vikur. Reikna má með umferðartöfum á öllu höfuðborgarsvæðinu vegna fundarins.

2. maí 2023 14:29

„Afskaplega glæsilegur viðburður og Íslandi til sóma“

Hundruð manna vinna nú hörðum höndum í Hörpu við að gera allt klárt fyrir leiðtogafund Evrópuráðsins sem hefst á morgun. Framkvæmdastjóri fundarins segir undirbúningsvinnuna ganga vel og að mikill metnaður sé settur í vinnuna. Viðburðurinn verði afar glæsilegur og Íslandi til sóma.

15. maí 2023 12:42

Mest lesið

Fleiri fréttir