Handbolti

Óðinn markahæstur í Evrópusigri | Ystads hafði betur á Benidorm

Hjörtur Leó Guðjónsson skrifar
Óðinn Þór í leik með íslenska landsliðinu.
Óðinn Þór í leik með íslenska landsliðinu. Vísir/Eyþór

Óðinn Þór Ríkharðsson var markahæsti maður vallarins er svissneska liðið Kadetten Schaffhausen vann öruggan sex marka sigur gegn Presov í A-riðli Evrópudeildarinnar í handbolta í kvöld, 31-37. Á sama tíma vann sænska liðið Ystads tveggja marka útisigur gegn Benidorm í B-riðli Valsmanna, 27-29.

Undir Stjórn Aðalsteins Eyjólfssonar hafa Óðinn Þór og félagar hafa nú unnið tvo leiki í röð í Evrópudeildinni og liðið er með fjögur stig í A-riðli, líkt og Göppingen og Benfica í öðru til fjórða sæti riðilsins.

Óðinn Þór Ríkharðsson var markahæsti maður vallarins í sigri Kadetten í kvöld með níu mörk, en liðið náði mest tíu marka forskoti gegn Presov og vann að lokum öruggan sex marka sigur, 31-37.

Í B-riðli Valsmanna gerði sænska liðið Ystads góða ferð til Benidorm og vann þar tveggja marka sigur, 27-29.

Ystads er því með tvö stig í riðlinum, líkt og Ferencváros, í fjórða til fimmta sæti, en Benidorm rekur lestina án stiga.

Handbolti

Mest lesið


Fleiri fréttir

Sjá meira


×

Mest lesið