Handbolti

Sonja Lind inn í hópinn fyrir barns­hafandi Þór­eyju Önnu

Ágúst Orri Arnarson skrifar
Hægri hornakonurnar mættust í bikarúrslitaleik um helgina.
Hægri hornakonurnar mættust í bikarúrslitaleik um helgina. vísir

Þórey Anna Ásgeirsdóttir er barnshafandi og hefur dregið sig úr leikmannahópi íslenska landsliðsins í handbolta fyrir komandi leiki gegn Svartfjallalandi. Sonja Lind Sigsteinsdóttir kemur inn í hennar stað.

Þetta kemur fram í tilkynningu frá HSÍ en íslenska landsliðið á framundan leiki gegn Svartfjallalandi. Fyrri leikurinn fer fram á Ásvöllum miðvikudaginn 4. mars klukkan 18:00. Seinni leikurinn fer fram úti í Svartfjallalandi næsta sunnudag.

Þórey Anna er leikmaður Vals og varð bikarmeistari um helgina en er nú komin í barneignaleyfi. Hún á fyrir eitt barn með Júlíusi Þóri Stefánssyni, þjálfara kvennaliðs Gróttu.

Sonja Lind tapaði bikarúrslitaleiknum með liði Hauka um helgina en fær landsliðssæti í sárabætur.

Þórey og Sonja skoruðu báðar fjögur mörk með sínum liðum, Val og Haukum, í bikarúrslitaleiknum um helgina. Valur fagnaði 23-19 sigri og varð bikarmeistari í tíunda sinn. 

Landslið kvenna í handbolta Valur Haukar EM kvenna í handbolta 2026

Mest lesið


Fleiri fréttir

Sjá meira


×

Mest lesið