Féll fjóra metra á flísa­lagt gólf á tón­leikum

Þetta kemur fram í dagbók lögreglu. Þar segir ennfremur að maðurinn hafi verið meðvitundarlítill og hann fluttur á bráðadeild Landspítalans í sjúkrabíl. Ekki er vitað um áverka.

Um 18:45 var lögregla kölluð út vegna líkamsárásar og ránstilraunar í hverfi 104 í Reykjavík. Þar höfðu tveir menn ráðist á mann og reynt að fá hann til að millifæra á þá peninga. Maðurinn leitaði aðstoðar á bráðadeild og er málið nú í rannsókn.

Um klukkan 23 var tilkynnt um líkamsárás í hverfi 104. Öryggisvörður á tónleikum var þá að vísa manni úr húsi þegar sá kýldi öryggisvörðinn ítrekað í andlitið. Í tilkynningu frá lögreglu segir að árásarmaðurinn hafi náð að komast á brott í leigubíl.

Hoppaði upp á húddið

Á fjórða tímanum í nótt var maður handtekinn í miðborginni eftir að hann hafði hoppað upp á vélarhlíf lögreglubíls. Maðurinn var æstur og var hann kærður fyrir brot á lögreglusamþykkt. Hann var laus að lokinni upplýsingatöku, en ekki var sjáanlegt tjón á bílnum.

Um klukkan 21 var tilkynnt um líkamsárás í Kópavogi. Þar höfðu þrír menn ráðist á einn með höggum og spörkum og var maðurinn með áverka í andliti og víðar. Árásarmenn voru farnir á brott en sá sem fyrir árásinni varð kvaðst þekkja mennina. Málið er í rannsókn.

Á fimmta tímanum var svo ofurölvi maður handtekinn grunaður um eignaspjöll í hverfi 200 í Kópavogi. Maðurinn var vistaður í fangageymslu lögreglu.