Innlent

37 sjúk­lingar nú á Land­spítala með Co­vid-19

Atli Ísleifsson skrifar
Sjö eru nú á gjörgæslu og fjórir þeirra í öndunarvél.
Sjö eru nú á gjörgæslu og fjórir þeirra í öndunarvél. Vísir/Vilhelm

37 sjúklingar liggja á Landspítala með Covid-19, en þeir voru 36 í gær.

Sjö eru nú á gjörgæslu og fjórir þeirra í öndunarvél. Um er að ræða sama fjölda og í gær. Fimm af þeim sjö sem eru á gjörgæslu eru óbólusettir og tveir bólusettir.

Þetta kemur fram í tilkynningu á vef Landspítalans. 8.593 sjúklingar eru í Covid- göngudeild spítalans, þar af 2.354 börn. Er fjöldinn svipaður og í gær þegar 8.597 sjúklingar voru í Covid-göngudeild spítalans og þar af 2.207 börn.

Frá upphafi fjórðu bylgju, 30. júní 2021, hafa verið 303 innlagnir vegna Covid-19 á Landspítala.

Faraldur kórónuveiru (COVID-19) Landspítalinn

Mest lesið


Fleiri fréttir

Sjá meira


×

Mest lesið