Liverpool
Southampton
Eldur kviknaði í vélarrúmi fólksbíls á þvottaplani í Grjóthálsi í Reykjavík á tíunda tímanum í kvöld. Bíllinn var kyrrstæður og að sögn slökkvilðsins mun þetta hafa orsakast af tæknilegri bilun.
Engum varð meint af en bíllinn var óökuhæfur þegar slökkviliðsmenn höfðu ráðið niðurlögum eldsins. Hann var dreginn á brott.
Samkvæmt upplýsingum frá slökkviliðinu fór bíll frá einni stöð á staðinn og ekki er talið að mikil hætta hafi skapast á vettvangi.
