Filippus prins lagður inn á spítala

Talsmaður prinsins segir að um varúðarráðstöfun sé að ræða. Læknir konungsfjölskyldunnar hafi ráðlagt spítalainnlögn í ljósi þess að Filippusi hafi ekki liðið vel. Talsmaðurinn tekur þó fram í samtali við breska ríkisútvarpið BBC að veikindin tengist ekki kórónuveirufaraldrinum.

Filippus mun undirgangast læknisskoðun og sæta eftirliti næstu daga en óvíst er hversu lengi hann þarf að dvelja á spítalanum.

Filippus er 99 ára og fagnar 100 ára afmæli næsta júní.