Ríkisstjórnin vinsælli en stjórnarflokkarnir samanlagt Sylvía Hall skrifar 5. janúar 2021 21:00 Tæplega sextíu prósent styðja ríkisstjórnina samkvæmt nýrri könnun Gallup. Vísir/Vilhelm Baldur Þórhallsson, prófessor í stjórnmálafræði, segir stuðning við ríkisstjórnina ágætan ef marka megi kannanir. Þó sé fylgi stjórnarflokkanna ekki í takt við stuðning við ríkisstjórnina og því virðist sem flokkunum sé ekki að takast að ná til sín fylgi. „Það sem vakti athygli mína við þessa könnun er að þessi góði stuðningur við ríkisstjórnina, hann endurspeglar ekki gengi flokkanna sem að henni standa. Ef við tökum saman fylgi þeirra þriggja, þá er það mun minna en traustið sem ríkisstjórnin nýtur,“ sagði Baldur um nýja könnun Gallup, en hann ræddi komandi kosningaár í Reykjavík síðdegis í dag. Tæplega 58 prósent þeirra sem tóku afstöðu sögðust styðja ríkisstjórnina, en samanlagt fylgi ríkisstjórnarflokkanna mælist tæplega 44 prósent. Um 24 prósent myndu þannig kjósa Sjálfstæðisflokk ef gengið yrði til kosninga í dag, tíu prósent Vinstri græn og átta prósent Framsóknarflokk. „Einhverjum finnst ríkisstjórnin standa sig vel í að glíma við Covid og efnahagslegar afleiðingar þess, en þau eru ekki tilbúin til þess að merkja X við flokkana sem að henni standa. Kannski á ríkisstjórnin eitthvað þarna inni - hún getur sótt í þessa aðila sem líkar vel við störf hennar en eru ekki í augnablikinu tilbúnir til þess að kjósa flokkanna,“ segir Baldur. Hann segir stöðuna ágæta fyrir stjórnarflokkanna, en að hans mati þurfa forystumenn þeirra að gera meira til þess að ná til kjósenda og tryggja sér atkvæði. Það séu tækifæri í stöðunni fyrir alla flokka eins og staðan er núna. Baldur Þórhallsson stjórnmálafræðingur.Kristinn Ingvarsson Sérstök gagnrýni á frumvarp ráðherra „Þeir eru farnir og munu í vaxandi mæli fara að reka hornin í hver annan,“ segir Baldur um samstarf stjórnarflokkanna. Frumvarp um Hálendisþjóðgarð sé ein stærsta vísbendingin um það, en flokkarnir hafi þar sýnt hvar þeir standa varðandi málefni hálendisins. „Það er sérstakt að ráðherra í ríkisstjórninni leggi fram frumvarp sem stjórnarþingmenn, og jafnvel ráðherra og leiðtogar samstarfsflokka, gagnrýna nokkuð harðlega í fjölmiðlum. Það hefur ekki verið algengt.“ Hann segir samstarfið hafa gengið vel, í það minnsta opinberlega. Það hafi þó ekki komið honum á óvart að forystumenn flokkanna hafi náð vel saman, og þá hafi þingflokkur Sjálfstæðisflokksins verið nokkuð liðlegur í samstarfinu. Það sé jafnframt eðlilegt að einhver skoðanaskipti séu manna á milli í fjölmiðlum. Þá telur hann líklegt að kórónuveirufaraldurinn geri stjórnarandstöðunni erfitt fyrir, en hún þurfi þó að sækja fram af meiri krafti. Aðstæður ættu að bjóða upp á frekari sóknarfæri fyrir þá, en sem stendur mælist Samfylkingin með mest fylgi allra stjórnarandstöðuflokka, eða sautján prósent. „Stjórnarandstaðan, þeir flokkar sem að henni standa, þeir standa nú bara þokkalega að vígi í könnunum en ekkert mikið meira en það – miðað við það að þeir eru í stjórnarandstöðu og það eru gríðarlegir efnahagslegir örðugleikar í samfélaginu.“ Miðflokkurinn markar sér sérstöðu Fylgi Pírata samkvæmt könnun Gallup er um tólf prósent, aðeins hærra en það mældist í könnun Maskínu sem gerð var fyrir fréttastofu Stöðvar 2, Vísis og Bylgjunnar þegar það mældist 11,2 prósent. Að mati Baldurs þarf að bíða og sjá hvort það skili sér á kjördag, þar sem Píratar hafi oft náð miklu flugi í könnunum. Hann segir áhugavert að fylgjast með Sósíalistaflokknum, sem hefur verið í kringum fjögur prósent líkt og Flokkur fólksins. Sósíalistar séu líklegastir til þess að taka fylgi af Vinstri grænum og mögulega Pírötum. Þá telur hann Miðflokkinn marka sér ákveðna sérstöðu í stjórnmálunum hér á landi, og ólíklegt sé að aðrir flokkar fari sömu leið. Flokkurinn sé jafnframt líklegur til þess að bæta við sig fylgi ef kosningabaráttan gengur vel. „Hann virðist vera að reyna að marka sér ákveðna sérstöðu í íslenskum stjórnmálum, með mikla áherslu á fullveldismálin og sjálfstæði Íslands. Berjast á Íslandi og erlendis gegn réttindum trans fólks og tala fyrir þjóðlegum gildum og Þjóðkirkjunni. Aðrir flokkar eru ekki að fara að feta þennan veg.“ Viðtalið við Baldur má heyra hér að neðan. Alþingi Ríkisstjórn Katrínar Jakobsdóttur Reykjavík síðdegis Skoðanakannanir Mest lesið Hjálmar segist ekki skilja hvað Einar eigi við Innlent „Maður veltir fyrir sér hver er að búa til svona sögur“ Innlent Jóhann Páll gengur í stað Ölmu Innlent Segja stefnt að því að fækka starfsmönnum úr 10.000 í 300 Erlent Verða ekki krafin um endurgreiðslu Innlent Kóngurinn ógangfær eftir að eldingum laust niður í hann Innlent Fær bætur vegna árásar grunnskólanema eftir allt saman Innlent Eiga eftir að taka afstöðu til birtingar lista yfir umsækjendur Innlent Trump beinir spjótum sínum gegn Alþjóðlega sakamáladómstólnum Erlent Fjölskylduferðin hafi ekki haft úrslitaáhrif Innlent Fleiri fréttir Ráðinn aðstoðarmaður Sigurðar Inga Tæplega 1.400 heimili og fyrirtæki urðu fyrir truflunum Fyrsta bílaapótekið á Suðurlandi Hættir sem formaður Rafiðnaðarsambandsins Jóhann Páll gengur í stað Ölmu Sáttasemjari hafi óskað eftir skrifstofustjóra Ásthildar í Karphúsið Vonar að hreinsunarstarfi ljúki að mestu í dag Vísa kjaradeilu við Sorpu til sáttasemjara vegna umboðsleysis samninganefndar Verða ekki krafin um endurgreiðslu Styrkir ekki endurgreiddir og óveðrinu slotar Veiðar höfðu áhrif á þorsksstofninn við Ísland strax á miðöldum Eiga eftir að taka afstöðu til birtingar lista yfir umsækjendur Taka upp þráðinn eftir hádegi Hjálmar segist ekki skilja hvað Einar eigi við Kóngurinn ógangfær eftir að eldingum laust niður í hann „Maður veltir fyrir sér hver er að búa til svona sögur“ Þjófur náðist eftir að hafa haft í hótunum Fær bætur vegna árásar grunnskólanema eftir allt saman „Það getur enginn unnið við að laga neitt í svona veðri“ Ráðherra segist ekki skilja hvað þau hjá borginni eru að hugsa Fjölskylduferðin hafi ekki haft úrslitaáhrif Vel yfir 10 milljónir fyrir rafmagn á mánuði hjá garðyrkjubændum Umboðsmaður vill útskýringar á svörum forsetaembættisins Makaði saur um allt á salerni fyrirtækis Skautað framhjá ýmsu í tilkynningu menntamálaráðherra „Þetta hörmulega og sorglega atvik endurspeglar langvinnan vanda“ „Mjög stórt verkefni sem við fengum í fangið“ Manndrápsmálið í Neskaupstað og meint vilyrði ráðherra Átta af ellefu umsækjendum taldir hæfir í embættið Hafna því að hafa boðið nokkra launahækkun Sjá meira
„Það sem vakti athygli mína við þessa könnun er að þessi góði stuðningur við ríkisstjórnina, hann endurspeglar ekki gengi flokkanna sem að henni standa. Ef við tökum saman fylgi þeirra þriggja, þá er það mun minna en traustið sem ríkisstjórnin nýtur,“ sagði Baldur um nýja könnun Gallup, en hann ræddi komandi kosningaár í Reykjavík síðdegis í dag. Tæplega 58 prósent þeirra sem tóku afstöðu sögðust styðja ríkisstjórnina, en samanlagt fylgi ríkisstjórnarflokkanna mælist tæplega 44 prósent. Um 24 prósent myndu þannig kjósa Sjálfstæðisflokk ef gengið yrði til kosninga í dag, tíu prósent Vinstri græn og átta prósent Framsóknarflokk. „Einhverjum finnst ríkisstjórnin standa sig vel í að glíma við Covid og efnahagslegar afleiðingar þess, en þau eru ekki tilbúin til þess að merkja X við flokkana sem að henni standa. Kannski á ríkisstjórnin eitthvað þarna inni - hún getur sótt í þessa aðila sem líkar vel við störf hennar en eru ekki í augnablikinu tilbúnir til þess að kjósa flokkanna,“ segir Baldur. Hann segir stöðuna ágæta fyrir stjórnarflokkanna, en að hans mati þurfa forystumenn þeirra að gera meira til þess að ná til kjósenda og tryggja sér atkvæði. Það séu tækifæri í stöðunni fyrir alla flokka eins og staðan er núna. Baldur Þórhallsson stjórnmálafræðingur.Kristinn Ingvarsson Sérstök gagnrýni á frumvarp ráðherra „Þeir eru farnir og munu í vaxandi mæli fara að reka hornin í hver annan,“ segir Baldur um samstarf stjórnarflokkanna. Frumvarp um Hálendisþjóðgarð sé ein stærsta vísbendingin um það, en flokkarnir hafi þar sýnt hvar þeir standa varðandi málefni hálendisins. „Það er sérstakt að ráðherra í ríkisstjórninni leggi fram frumvarp sem stjórnarþingmenn, og jafnvel ráðherra og leiðtogar samstarfsflokka, gagnrýna nokkuð harðlega í fjölmiðlum. Það hefur ekki verið algengt.“ Hann segir samstarfið hafa gengið vel, í það minnsta opinberlega. Það hafi þó ekki komið honum á óvart að forystumenn flokkanna hafi náð vel saman, og þá hafi þingflokkur Sjálfstæðisflokksins verið nokkuð liðlegur í samstarfinu. Það sé jafnframt eðlilegt að einhver skoðanaskipti séu manna á milli í fjölmiðlum. Þá telur hann líklegt að kórónuveirufaraldurinn geri stjórnarandstöðunni erfitt fyrir, en hún þurfi þó að sækja fram af meiri krafti. Aðstæður ættu að bjóða upp á frekari sóknarfæri fyrir þá, en sem stendur mælist Samfylkingin með mest fylgi allra stjórnarandstöðuflokka, eða sautján prósent. „Stjórnarandstaðan, þeir flokkar sem að henni standa, þeir standa nú bara þokkalega að vígi í könnunum en ekkert mikið meira en það – miðað við það að þeir eru í stjórnarandstöðu og það eru gríðarlegir efnahagslegir örðugleikar í samfélaginu.“ Miðflokkurinn markar sér sérstöðu Fylgi Pírata samkvæmt könnun Gallup er um tólf prósent, aðeins hærra en það mældist í könnun Maskínu sem gerð var fyrir fréttastofu Stöðvar 2, Vísis og Bylgjunnar þegar það mældist 11,2 prósent. Að mati Baldurs þarf að bíða og sjá hvort það skili sér á kjördag, þar sem Píratar hafi oft náð miklu flugi í könnunum. Hann segir áhugavert að fylgjast með Sósíalistaflokknum, sem hefur verið í kringum fjögur prósent líkt og Flokkur fólksins. Sósíalistar séu líklegastir til þess að taka fylgi af Vinstri grænum og mögulega Pírötum. Þá telur hann Miðflokkinn marka sér ákveðna sérstöðu í stjórnmálunum hér á landi, og ólíklegt sé að aðrir flokkar fari sömu leið. Flokkurinn sé jafnframt líklegur til þess að bæta við sig fylgi ef kosningabaráttan gengur vel. „Hann virðist vera að reyna að marka sér ákveðna sérstöðu í íslenskum stjórnmálum, með mikla áherslu á fullveldismálin og sjálfstæði Íslands. Berjast á Íslandi og erlendis gegn réttindum trans fólks og tala fyrir þjóðlegum gildum og Þjóðkirkjunni. Aðrir flokkar eru ekki að fara að feta þennan veg.“ Viðtalið við Baldur má heyra hér að neðan.
Alþingi Ríkisstjórn Katrínar Jakobsdóttur Reykjavík síðdegis Skoðanakannanir Mest lesið Hjálmar segist ekki skilja hvað Einar eigi við Innlent „Maður veltir fyrir sér hver er að búa til svona sögur“ Innlent Jóhann Páll gengur í stað Ölmu Innlent Segja stefnt að því að fækka starfsmönnum úr 10.000 í 300 Erlent Verða ekki krafin um endurgreiðslu Innlent Kóngurinn ógangfær eftir að eldingum laust niður í hann Innlent Fær bætur vegna árásar grunnskólanema eftir allt saman Innlent Eiga eftir að taka afstöðu til birtingar lista yfir umsækjendur Innlent Trump beinir spjótum sínum gegn Alþjóðlega sakamáladómstólnum Erlent Fjölskylduferðin hafi ekki haft úrslitaáhrif Innlent Fleiri fréttir Ráðinn aðstoðarmaður Sigurðar Inga Tæplega 1.400 heimili og fyrirtæki urðu fyrir truflunum Fyrsta bílaapótekið á Suðurlandi Hættir sem formaður Rafiðnaðarsambandsins Jóhann Páll gengur í stað Ölmu Sáttasemjari hafi óskað eftir skrifstofustjóra Ásthildar í Karphúsið Vonar að hreinsunarstarfi ljúki að mestu í dag Vísa kjaradeilu við Sorpu til sáttasemjara vegna umboðsleysis samninganefndar Verða ekki krafin um endurgreiðslu Styrkir ekki endurgreiddir og óveðrinu slotar Veiðar höfðu áhrif á þorsksstofninn við Ísland strax á miðöldum Eiga eftir að taka afstöðu til birtingar lista yfir umsækjendur Taka upp þráðinn eftir hádegi Hjálmar segist ekki skilja hvað Einar eigi við Kóngurinn ógangfær eftir að eldingum laust niður í hann „Maður veltir fyrir sér hver er að búa til svona sögur“ Þjófur náðist eftir að hafa haft í hótunum Fær bætur vegna árásar grunnskólanema eftir allt saman „Það getur enginn unnið við að laga neitt í svona veðri“ Ráðherra segist ekki skilja hvað þau hjá borginni eru að hugsa Fjölskylduferðin hafi ekki haft úrslitaáhrif Vel yfir 10 milljónir fyrir rafmagn á mánuði hjá garðyrkjubændum Umboðsmaður vill útskýringar á svörum forsetaembættisins Makaði saur um allt á salerni fyrirtækis Skautað framhjá ýmsu í tilkynningu menntamálaráðherra „Þetta hörmulega og sorglega atvik endurspeglar langvinnan vanda“ „Mjög stórt verkefni sem við fengum í fangið“ Manndrápsmálið í Neskaupstað og meint vilyrði ráðherra Átta af ellefu umsækjendum taldir hæfir í embættið Hafna því að hafa boðið nokkra launahækkun Sjá meira