Svona var kynningarfundur ríkisstjórnarinnar um aðgerðir vegna faraldurs kórónuveiru

Katrín Jakobsdóttir, forsætisráðherra, Bjarni Benediktsson, fjármála- og efnahagsráðherra og Sigurður Ingi Jóhannsson, samgöngu- og sveitarstjórnarráðherra, boðuðu til blaðamannafundar í Norðurljósum í Hörpu klukkan 13 í dag.

Fundinum var streymt á vefsíðu Stjórnarráðsins og hann var táknmálstúlkaður. Fundurinn var einnig sýndur á Vísi og á Stöð 3.

Til umfjöllunar voru fjölþættar aðgerðir stjórnvalda upp á um níutíu milljarða króna sem eru viðbrögð vegna kórónuveirufaraldursins sem nú geisar hér á landi.