Sóttu veikan skip­verja norður af Mel­rakka­sléttu

Þyrlusveit Landhelgisgæslunnar var kölluð út á þriðja tímanum nótt til að sækja veikan skipverja af fiskiskipi. Skipið var þá statt norður af Melrakkasléttu.

Í tilkynningu frá Landhelgisgæslunni segir að TF-EIR hafi tekið á loft frá Reykjavíkurflugvelli klukkan 3:31 og lokið við að hífa skipverjann um borð í þyrluna tveimur tímum síðar.

„Þyrlan lenti svo á Reykjavíkurflugvelli laust fyrir klukkan átta í morgun. Þar beið sjúkrabíll sem flutti manninn á Landspítalann,“ segir í tilkynningunni.