Met frá árinu 1982 slegið

Skógarmet var í dag slegið í sumarbúðum KFUM og KFUK í Vatnaskógi en um er að ræða hraðamet í 60 metra hlaupi í 3. flokki, sem er flokkur stráka á aldrinum 10-12 ára og hefur metið staðið síðan árið 1982.

Núverandi methafi er 11 ára gamall piltur og hljóp hann á 8 sekúndum og 77 sekúndubrotum en fyrra metið var 8 sekúndur og 80 sekúndubrot.

„Stórglæsilegt afrek og fær nýi skógarmetshafinn þennan glæsilega grip sér til eignar,“ var skrifað í færslu sumarbúðanna á Facebook.