Fyrsti sigur PSG í tæpan mánuð

PSG vann 2-1 sigur á Angers í næst síðustu umferðinni í frönsku úrvalsdeildinni í knattspyrnu í dag.

Fyrra markið gerði Neymar eftir tuttugu mínútna leik og síðara markið gerði Angel Di Maria á 58. mínútu.

Marquinhos lét þó skapið eitthvað hlaupa með sig í gönur fjórum mínútum fyrir leikslok. Angers minnkaði muninn á 88. mínútu en lokatölur 2-1.

PSG er fyrir löngu orðið franskur meistari en liðið er með 88 stig á toppi deildarinnar, 19 stigum á undan Lille.

Þetta var þó fyrsti sigur PSG síðan að liðið vann 3-1 sigur á Mónakó 21. apríl. Í kjölfarið fylgdu tvö töp og eitt jafntefli.