Eurovision-vaktin: Stóra stundin rennur upp hjá Hatara

Í kvöld ræðst það hvaða þjóð stendur uppi sem sigurvegari í Eurovision 2019 og um leið hvar keppnin verður haldin á næsta ári. Hatari með lagið Hatrið mun sigra þykir á meðal líklegra sigurvegara og sjaldan hefur spennan fyrir framlagi Íslands verið jafn mikil.

Við munum fylgjast með gangi mála í Tel Aviv og hér heima í allan dag og fram yfir keppni í Eurovision-vaktinni á Vísi. Hér munum við dæla inn fróðleik um íslenska lagið, helstu keppinauta okkar og skila Eurovision-stemmningunni til ykkar hvar sem þið eruð að lesa.

Við hvetjum ykkur lesendur til að senda okkur kveðjur, myndir eða fróðleiksmola á ritstjorn(hja)visir.is og hver veit nema það skili sér í vaktina.

Hatrið mun (vonandi) sigra!