Þrír menn hafa verið úrskurðaðir í gæsluvarðhald vegna gruns um framleiðslu fíkniefna á Suðurlandi.
Þetta kemur fram í tilkynningu á vef lögreglunnar. Þar segir að 4. apríl síðastliðinn hafi lögreglumenn á Suðurlandi handtekið þrjá erlenda einstaklinga á tveimur stöðum í Árnessýslu vegna gruns um framleiðslu fíkniefna.
„Þeir voru, í Héraðsdómi Suðurlands, úrskurðaðir í gæsluvarðhald þann 5. apríl til kl. 16:00 þann 12. sama mánaðar í þágu rannsóknar málsins.
Tveir hinna handteknu kærðu úrskurð héraðsdóms til Landsréttar sem nú hefur staðfest úrskurð beggja þessara aðila.
Málið er á frumstigi rannsóknar og mun lögregla ekki gefa frekari upplýsingar um gang þess að sinni,“ segir í tilkynningunni.
Þrír í gæsluvarðhald vegna framleiðslu fíkniefna
