Stal veski af eldri konu

Ungur maður í annarlegu ástandi var handtekinn í miðbænum á sjöunda tímanum í gærkvöldi. Maðurinn er grunaður um að hafa stolið veski af eldri konu, farsíma og peningum. Hann er grunaður um líkamsárás.

Maðurinn var vistaður fyrir rannsókn málsins í fangageymslu lögreglu. Þetta kemur fram í dagbók Lögreglunnar á höfuðborgarsvæðinu.

Þá var lögreglu tilkynnt um líkamsárás við veitingahús í miðborginni en til átaka kom á milli gesta og dyravarða. Tilkynningin barst klukkan hálf þrjú í nótt.

Laust eftir klukkan 2 í nótt barst lögreglu tilkynning um mann sem var ofurölvi og til vandræða á sjúkrastofnun. Maðurinn var handtekinn og vistaður í fangageymslum lögreglu.

Ung kona í annarlegu ástandi var þá handtekinn í hverfi 101 í nótt klukkan 04:20 í nótt grunuð um vörslu fíkniefna, þjófnað og brot á vopnalögum. Konan vistuð í fangageymslu lögreglu.