Conor var ekki boðið í afmælið hjá J-Lo en mætti samt og sló í gegn

John Kavanagh, þjálfari Gunnars Nelson og írska Íslandsvinarins Conors McGregors, tjáir sig í fyrsta skipti opinberlega um hvað gerðist í Las Vegas fyrir tveimur mánuðum síðan þegar hann, Conor og Cristiano Ronaldo mættu í 47 ára afmælið hjá poppdrottningunni Jennifer Lopez.

Það gerir Kavanagh í ítarlegu við írska blaðið Independent þar sem þessi magnaði bardagaíþróttaþjálfari fer yfir ferilinn og talar meðal annars um fyrstu komu sína til Íslands, kynnin af Gunnari Nelson og segir frá því að hann var næstum því fluttur til Íslands.

Mikla athygli vakti þegar Conor McGregor hitti fótboltagoðið Cristiano Ronaldo í Las Vegas fyrir tveimur mánuðum síðan þegar Írinn var að undirbúa sig fyrir bardagann gegn Nate Diaz. Ronaldo kom þá á æfingu hjá Conor þar sem þeir spjölluðu saman og tóku nokkrar myndir af sér berum að ofan.

My brother Ronaldo dropped by the gym today! He is an animal. Thank you @cristiano, much respect! I will see you for that Forbes number 1 spot next year. #ThisIsTheMacLife

A photo posted by Conor McGregor Official (@thenotoriousmma) on Jul 24, 2016 at 5:01pm PDT

„Ég talaði ekki við Ronaldo fyrr en seinna sama kvöld,“ segir Kavanagh í viðtalinu en hann hélt sig til hlés á meðan ofurstjörnunnar voru að spjalla og sitja fyrir. Hittingurinn var myndaður fyrir Youtube-þáttinn The Mac life sem Conor var með í kringum bardagann.

Kavanagh talaði ekki við Ronaldo fyrr en í afmælisveislu Jennifer Lopez um kvöldið. Cristiano Ronaldo var boðið í veisluna en Írarnir höfðu ekki fengið boð um að mæta til hennar.

Blaðamaðurinn sem tekur viðtalið við Kavanagh segir: „Þetta er það sem ruglar mig því það er nokkuð augljóst í þættinum að Conor var ekkert boðið í þessa veislu.“

Kavanagh svarar: „Það er rétt.“

Blaðamaðurinn vildi þá vita af hverju Conor og Kavanagh enduðu í afmæli Jennifer Lopez. „Þetta er bara hinn lúmski Conor. Svona hluti gerði hann í æsku. Hann sagði bara: „Ekkert mál, ég kem með,“ og Ronaldo var bara: „Ehhh Allt í lagi.“

„Við spurðum okkur allir hvernig Ronaldo gæti boðið okkur í þetta afmæli og hverjir myndu vera þarna. Þegar við vorum komnir í bílinn var ég hræddur um að þetta væru skelfileg mistök og okkur yrði hent út af einhverjum öryggisverði,“ segir Kavanagh.

Svo varð nú aldeilis ekki.

Jennifer Lopez var himinlifandi að fá Conor í afmælið sitt en Kavanagh segir frá því að tónlistar- og kvikmyndastjarnan kom hlaupandi að bardagakappanum öskrandi eins og skólastelpa.

„Conor McGregor!“ hrópaði hún að sögn Kavanagh. „Takk fyrir að koma. Dönsum!, sagði hún. Hún dró Conor síðan á dansgólfið þar sem þau byrjuðu að dansa og ég fór að hugsa að þetta væri bara enn ein klikkaða sagan sem maður gæti sagt.“

Conor var ekki boðið í afmælið en samt stal hann sviðsljósinu eins og hann gerir hvar sem hann stígur niður fæti. Írinn átti góða daga í Vegas og vann síðan bardagann gegn Nate Diaz.

En það var þá sem Kavanagh talaði loks við Cristiano Ronaldo.

Happy birthday Miss Jennifer Lopez! What a woman! What a night! @jlo

A photo posted by Conor McGregor Official (@thenotoriousmma) on Jul 25, 2016 at 1:58am PDT

„Ronaldo kemur til mín og segir mér að hann les allt sem ég skrifa,“ segir Kavanagh sem skrifar reglulega pistla um líf sitt, bardagakvöldin með Conor og bardagaíþróttir í Independent. Hann hefur auk þess gefið út ævisögu.

„Ronaldo segist líka fylgjast með mér á Instagram. Eina sem ég hugsaði var að ég gæti ekki beðið eftir að segja pabba mínum frá þessu.“

„Hann kom alltaf aftur og aftur til mín sama hversu oft við slitum samræðum. Ég var kannski í öðrum enda hússins en hann kom bara aftur til mín. Á einum tímapunkti sagði kærastan mín við mig: „Það er ofurstjarna að áreita þig!“