Þjálfari Dos Anjos: Ég er niðurbrotinn

Eins og greint var frá í dag mun Rafael Dos Anjos ekki berjast gegn Conor McGregor á UFC 196 bardagakvöldinu en meistaratitill Dos Anjos í léttvigt átti að vera undir.

Sjá einnig: Dos Anjos meiddur | Ver ekki beltið gegn Conor

UFC hefur ekki enn staðfest tíðindin en samkvæmt frétt mmafighting.com er verið að vinna að því að finna annan andstæðing fyrir McGregor.

Þjálfari Dos Anjos, Rafael Cordeiro, segir í samtali við síðuna að Dos Anjos sé meiddur á fæti en að hann þurfi ekki að fara í aðgerð.

„Ég er niðurbrotinn,“ sagði hann. „Því við höfðum undirbúið okkur vel fyrir þennan bardaga og við vorum tilbúnir.“