Oddvitaáskorunin - Höldum stöðugleikanum

Vísir stendur fyrir Oddvitaáskoruninni 2014 þar sem skorað er á oddvita allra flokka í kjördæmum um land allt að taka þátt.

Gunnar Einnarsson leiðir lista Sjálfstæðisflokksins í Garðabæí sveitarstjórnarkosningunum í haust.

Gunnar er með doktorspróf í stjórnun Menntastofnana frá Reading University. Hefur verið bæjarstjóri Garðabæjar síðastliðin 9 ár, þar áður forstöðumaður fræðslu- og menningarsviðs bæjarins í 10 ár. Fyrrverandi atvinnumaður í handknattleik og þjálfaði meistaraflokk Stjörnunnar í 10 ár. Stundakennari í meistaranámi í Opinberri Stjórnsýslu við Háskóla Íslands. Giftur Sigríði Dísu Gunnarsdóttur náms- og starfsráðgjafa og lögfræðinema og eiga þau þrjú börn og sex barnabörn.

Áherslur Gunnars eru aðallega að skapa góð uppvaxtarskilyrði barna og ungmenna t.d.  í íþrótta- og tómstundastarfi og skólamálum. Jafnframt traust og ábyrg fjármálastjórn.

YFIRHEYRSLAN

Hver er fallegasti staður á Íslandi?

Þingvellir.

Hundar eða kettir?

Ég átti hund sem dó og ég sakna hans rosalega.

Hver er stærsta stundin í lífinu?

Þegar börn og barnabörn fæðast.

Hver er uppáhaldsmaturinn þinn?

Það sem við hjónin eldum saman.

Hvernig bíl ekur þú?

Land Cruiser, 8 ára gamall.

Besta minningin?

Þegar ég varð ástfanginn.

Hefur þú verið tekinn af lögreglunni?

Já fyrir of hraðan akstur.

Hverju sérðu mest eftir?

Að hafa lagt einstakling í einelti þegar ég var unglingur.

Draumaferðalagið?

Ferð til Napa.

Hefur þú migið í saltan sjó?

Já.

Hvað er það skrýtnasta sem þú hefur gert?

Farið á dáleiðslunámskeið.

Hefur þú viðurkennt mistök?

Já oft.

Hverju ertu stoltastur af?

Fjölskyldunni.

Fram að sveitarstjórnarkosningunum 31. maí munum við birta kynningu á oddvitum víðsvegar um landið. Allir oddvitar geta tekið þátt í Oddvitaáskorun Vísis. Nánari upplýsingar er hægt að nálgast á netfanginu samuel@365.is.