NFL: Fálkarnir enn ósigraðir

Atlanta Falcons vann í nótt sinn áttunda leik í jafn mörgum leikjum þegar að liðið mætti Dallas Mavericks í NFL-deildinni.

Atlanta hefur aldrei byrjað betur en liðið er eina ósigraða liðið í NFL-deildinni. Chicago Bears og Houston Texans unnu einnig góða sigra um helgina og hafa unnið sjö af fyrstu átta leikjum sínum.

Atlanta hafði betur gegn Dallas í nótt, 19-13, en hvort lið skoraði aðeins eitt snertimark í leiknum - bæði í fjórða leikhluta. Leikstjórnandinn Matt Ryan átti flottan leik fyrir Atlanta og kastaði fyrir 342 jördum sem er met á tímabilinu.

Það var þó hlauparinn Michael Turner sem skoraði eina snertimark Atlanta í leiknum. Sparkarinn Matt Bryant skoraði fjögur vallarmörk sem gerði gæfumuninn.

Dallas hefur aðeins unnið þrjá af fyrstu átta leikjum sínum í ár og halda því ófarir leikstjórnandans Tony Romo áfram.

Þá átti Andrew Luck, leikstjórnandi Indianapolis Colts, stórleik þegar að lið hanns vann nauman sigur á Miami Dolphins, 23-20. Luck, sem var valinn fyrstur í nýliðavalinu fyrir tímabilið, kastaði samtals 433 jarda í leiknum sem er met hjá nýliða í sögu NFL-deildarinnar.

Annar nýliði, hlauparinn Doug Martin, átti stórbrotinn leik þegar að lið hans, Tampa Bay Buccaneers, hafði betur gegn Oakland, 42-32. Martin skoraði fjögur snertimörk í leiknum og hljóp með boltann samtals 251 jarda. Bæði eru félagsmet hjá Tampa Bay.

Úrslit gærdagsins:

Cincinnati - Denver 23-31

Cleveland - Baltimore 15-25

Green Bay - Arizona 31-17

Houston - Buffalo 21-9

Indianapolis - Miami 23-20

Jacksonville - Detroit 14-31

Tennessee - Chicago 20-51

Washington - Carolina 13-21

Oakland - Tampa Bay 32-42

Seattle - Minnesota 30-20

New York Giants - Pittsburgh 20-24

Atlanta - Dallas 19-13

Staðan í riðlunum:

Ameríkudeildin:

Austurriðill:

New England 5-3

Miami 4-4

NY Jets 3-5

Buffalo 3-5

Norðurriðill:

Baltimore 6-2

Pittsburgh 5-3

Cincinnati 3-5

Cleveland 2-7

Suðurriðill:

Houston 7-1

Indianapolis 5-3

Tennessee 3-6

Jacksonville 1-7

Vesturriðill:

Denver 5-3

San Diego 4-4

Oakland 3-5

Kansas City 1-7

Þjóðardeildin:

Austurriðill:

NY Giants 6-3

Philadelphia 3-4

Dallas 3-5

Washington 3-6

Norðurriðill:

Chicago 7-1

Green Bay 6-3

Minnesota 5-4

Detroit 4-4

Suðurriðill:

Atlanta 8-0

Tampa Bay 4-4

New Orleans 2-5

Carolina 2-6

Vesturriðill:

San Francisco 6-2

Seattle 5-4

Arizona 4-5

St. Louis 3-5