Bastörðum hrókerað

Leikverkið Bastarðar eftir Gísla Örn Garðarsson og Richard LaGravenese verður frumsýnt á Stóra sviði Borgarleikhússins hinn 27. október næstkomandi, en verkið var frumsýnt á Listahátíð í vor og sýnt í Málmey og Kaupmannahöfn í sumar og haust.

Til að koma til móts við breytingar á verkinu og liðka til fyrir skuldbindingum annarra leikara verða gerðar nokkrar hrókeringar á leikhópnum. Athygli vekur að Hilmir Snær Guðnason tekur sæti hins sænska Fredriks Gunnarsson, enda leikararnir ólíkir í fasi, en einnig koma meðal annars Jóhann Sigurðarson inn fyrir Danann Waage Sandø, Nína Dögg Filippusdóttir fyrir Piu Örjansdotter og Elva Ósk Ólafsdóttir fyrir Charlotte E. Munksgaard.

- sh, kg