Ragna Margrét til Svíþjóðar - blóðtaka fyrir Haukastelpur

Kvennalið Hauka í körfuknattleik hefur orðið fyrir mikilli blóðtöku. Miðherjinn Ragna Margrét Brynjarsdóttir er á leið til Svíþjóðar og spilar ekki með Haukum á tímabilinu.

Ragna Margrét er í sambandi með Pavel Ermolinskij sem er nýgenginn í raðir Sundsvall Drekanna og fylgir honum út.

„Þetta er bara spennandi. Ég veit ekkert hvað ég er að fara út í,“ sagði Ragna Margrét í samtali við Vísi.

Ragna Margrét hefur verið í sambandi við þjálfara KFUM SUndsvall sem spilar í næstefstu deild í Svíþjóð. Hún var valinn í lið ársins á síðustu leiktíð hér á landi.