Guðmundur: Við slóum varla feilnótu í leiknum

„Liðið spilaði frábærlega á öllum sviðum hér í dag og ég er mjög ánægður með strákana," sagði Guðmundur Guðmundsson, þjálfari íslenska landsliðsins í handknattleik, eftir frækinn 15 marka sigur á Austurríkismönnum.

„Það er eiginlega alveg sama hvað maður nefnir, varnarleikurinn var frábær, markvarslan frábær, hraðaupphlaupin voru mjög góð og sóknarleikurinn fjölbreytur og góður".

„Síðan fengum við alveg strókostlegan stuðning áhorfenda sem vorum með frá fyrstu sekúndu leiksins og sköpuðu hér ógleymanlega stemningu".