Jafntefli hjá Íslandi og Noregi í dag

U-21 landslið Íslands og Noregs gerðu í dag jafntefli, 25-25, í vináttulandsleik sem fór fram í íþróttahúsinu í Strandgötu í dag.

Staðan í hálfleik var jöfn, 14-14, í fyrri hálfleik en Ísland byrjaði mjög vel í síðari hálfleik og komst þá í góða forystu.

En Norðmenn söxuðu á forskotið og náðu að jafna. Ísland fékk þó boltann þegar fjórtán sekúndur voru til leiksloka en náðu ekki að skora sigurmark leiksins.

Guðmundur Hólmar Helgason, Halldór Guðjónsson, Guðmundur Árni Ólafsson og Oddur Gretarsson skoruðu þrjú mörk hver fyrir Ísland.

Liðin mættust einnig í gær og vann þá Ísland sigur. Liðin mætast einnig á Selfossi annað kvöld.