Óðinn og Þórey frjálsíþróttafólk ársins

Frjálsíþróttasamband Íslands hefur valið þau Óðinn Björn Þorsteinsson og Þóreyju Eddu Elísdóttur frjálsírþróttafólk ársins 2007.

Óðinn er 26 ára gamall kúluvarpari og bætti árangur sinn um rúman metra á árinu sem er að líða. Hann vantar 56 cm í að ná Ólympíulágmarki og á best 19,24 metra kast á árinu, sem er 50. besti árangurinn í Evrópu.

Þórey Edda Elísdóttir stangarstökkvari náði Ólympíulágmarki fyrir leikana í Kína á næsta ári þegar hún stökk yfir 4,40 metra á móti í Þýskalandi í sumar. Þórey er í 20. sæti á Evrópulistanum í ár með þann árangur. Þórey keppti á HM í Osaka í sumar þar em hún stökk yfir 4,35 metra.