New Orleans - New Jersey í beinni

Leikur New Orleans/Oklahoma City Hornets og New Jersey Nets verður sýndur í beinni útsendingu á NBA TV á miðnætti í nótt. New Orleans hefur komið allra liða mest á óvart í vetur undir dyggri stjórn nýliðans Chris Paul - sem á titilinn nýliði ársins í NBA vísan í vor.

Það eru þeir Jason Kidd og Vince Carter sem fara fyrir liði New Jersey, en samvinna þeirra er alltaf ávísun á nokkur glæsitilþrif. Það er heldur ekki á hverjum degi sem aðdáendum NBA gefst tækifæri til að sjá nýliðann Chris Paul sýna listir sínar, svo rétt er að hvetja alla til að stilla á NBA TV klukkan 12 á miðnætti.