Jafnt hjá Man Utd og Everton

Man Utd mistókst að endurheimta 2. sæti ensku úrvalsdeildarinnar í knattspyrnu nú undir kvöldið þegar liðið gerði 1-1 jafntefli við Everton á Old Trafford. Bæði mörkin komu í fyrri hálfleik en það voru gestirnir í Everton sem komust yfir strax á 7. mínútu með marki James McFadden en Ryan Giggs jafnaði metin fyrir heimamenn á 15. mínútu eftir sendingu frá Paul Scholes.

Leikmenn Man Utd reyndu rúmlega hvað þeir gátu til að kreista fram sigur en þeir áttu samtals 21 skot að marki Everton manna sem á móti náðu aðeins 7 skotum að marki heimamanna í leikjum. Stuðningsmenn Man Utd bauluðu á leikmenn þegar dómarinn flautaði til leiksloka en liðið er í 3. sæti deildarinnar með 31 stig, jafnmörg og Liverpool sem er í 2. sæti með einu marki betur í markatölu og tólf stigum á eftir toppliði Chelsea.