Dæmdur eftir níu ár í felum Trausti Hafliðason skrifar 22. mars 2005 00:01 Hvíti Saabinn dreginn af Ásvallagötunni þangað sem ræningjarnir flúðu eftir ránið. Stefán Aðalsteinn Sigmundsson þarf að dúsa í fangelsi í tvö og hálft ár fyrir það sem Hæstiréttur Íslands kallar þaulskipulagt og og ófyrirleitið rán. Rán sem þekkt er sem Skeljungsránið. Hæstiréttur kvað upp dóm sinn í fyrradag og þyngdi dóm Héraðsdóms Reykjavíkur, sem kveðinn var upp í maí í fyrra, um sex mánuði. Stefán Aðalsteinn, sem er 41 árs gamall, framdi ránið ásamt tveimur öðrum mönnum þann 27. febrúar árið 1995. Stefán Aðalsteinn er sá eini af þremeninngunum sem hefur verið dæmdur. Annar hinna tveggja ræningjanna framdi sjálfsvíg áður en hann mætti í skýrslutöku hjá lögreglu og ekki hefur tekist að sanna neitt á þann þriðja. Það var mánudagsmorgunn þegar tveir grímuklæddir menn vopnaðir bareflum og klæddir bláum vinnugöllum réðust að tveimur starfskonum Skeljungs sem voru að fara með tekjur af helgarsölu úr bensín- og smurstöðvum félagsins í Íslandsbanka í Lækjargötu. Annar mannanna sló aðra konuna í höfuðið með barefli þannig að hún féll í götuna við höggið. Rifu ræningjarnir síðan peningatösku með um sex milljónum króna af konunum og hlupu í átt að hvítum Saab fólksbíl sem beið þeirra á bílastæði við Vonarstræti. Konan sem var barinn marðist illa á vinstra gagnauga. Fréttablaðið talaði við konurnar fyrir ári síðan um ránið sem þær lýstu sem hörmulegri lífsreynslu. Erfiðast hefði þó verið áreitið sem þær hefðu orðið fyrir í kjölfar þess að nöfn þeirra voru birt í fjölmiðlum. Þær sögðu að fólk hefði í sífellu spurt þær út í málið. Ennfremur hefðu þær verið spurðar hvort þær hefðu ekki bara sjálfar sviðsett ránið þar sem ræningjarnir væru enn ófundnir. Þær sögðu reynslu sína hafa kennt þeim að Íslendingar væru fljótir að dæma. Þær sögðu að þeim hefði létt mikið sumarið 2002 þegar þeim var tilkynnt af lögreglu að málið væri upplýst og von væri á ákæru. Það hefði jafnframt komið þeim á óvart hve miklu fargi var af þeim létt og því ekki fyrr en þá í raun sem í ljós kom hversu þungt þetta hefði hvílt á þeim. Síðar um morguninn 27. febrúar fannst Saabinn mannlaus við Ásvallagötu. Augljóst var að ræningjarnir höfðu reynt að kveikja í bílnum, því í aftursætinu var hálfbrunnið dagblað og flaska með olíuvökva. Peningataskan fannst tóm í bílnum. Í botni hennar var þjófavarnartæki sem átti að gefa frá sér hljóð og litarefni, sem við sérstakar aðstæður átti að sprauta innihald töskunnar með lituðu dufti og gera peningaseðlana ónothæfa. Búnaðurinn fór ekki í gang þegar á reyndi. Síðdegis þennan örlagaríka mánudag sást hvar eldur logaði í fjörunni í Hvammsvík í Kjós. Var eldurinn slökktur og tilkynnt um þetta til lögreglu. Þarna var um að ræða tösku, fatnað, skó og peningapoka frá Skeljungi sem raktir voru til ránsins. Sumt af þessu hafði brunnið að mestu en annað minna eða ekki.Stefán Aðalsteinn á leið í dómssal.Þrátt fyrir umfangsmikla rannsókn lögreglunnar gekk hvorki né rak að finna ræningjana. Í águst árið 2002 urðu vatnaskil í rannsókn málsins. Þá hafði fyrrverandi eiginkona og barnsmóðir Stefáns Aðalsteins samband við lögregluna á Akureyri og sagðist hafa upplýsingar um málið. Konan sagði frá atriðum sem ekki höfðu komið fram í fjölmiðlum og var þá farið að vinna á fullu í rannsókn málsins að nýju. Konan kom til lögreglunnar skömmu eftir að fjallað var um Skeljungsránið í sjónvarpsþættinum Sönn íslensk sakamál. Hún sagði að eftir að hafa séð þáttinn hefði hún ekki getað lifað með þessa vitneskju lengur á samviskunni og ákveðið að gera hreint fyrir sínum dyrum. Stefán Aðalsteinn játaði sinn hluta málsins í skýrslutöku hjá lögreglu árið 2003. Þar fór hann nokkuð nákvæmlega í atburðarásina og gekk síðar með lögreglumönnum flóttaleið þeirra félaga. Hann gaf lögreglu lífsýni úr sér til þess að hægt væri að bera erfðaefni saman við sýni sem fundist hafði á því sem fannst í fjörunni við Hvammsvík. Samanburðurinn sýndi að lífsýni Stefáns Aðalsteins var hið sama og í á því sem fundist hafði í fjörunni. Stefán dró játninguna seinna til baka og sagðist hafa verið beittur þrýstingi við skýrslutöku. Honum hefði verið hótað gæsluvarðhaldi og það hefði getað kostað hann og systur hans gjaldþrot. Hann hafi verið sjálfstæður verktaki og alls ekki mátt við því að missa úr vinnu. Hvorki Hæstiréttur né Héraðsdómur Reykjavíkur tóku þetta trúanlegt. Auk þess að vera dæmdur í tveggja og hálfs árs fangelsi þarf hann að greiða Sjóvá-Almennum tæplega sex milljónir króna í skaðabætur. Ránsfengurinn hefur ekki komist til skila nema að litlu leyti. Dómsmál Fréttir Innlent Lög og regla Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Sást ekki til sólar fyrir mýi Innlent Skiptar skoðanir á „forljótum“ varðturnum gegn vasaþjófnaði Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Stór skjálfti fannst vel á suður- og vesturlandi Innlent Nýr meirihluti komi ekki til greina Innlent Bensínbrúsar inni í íbúðinni Innlent Fleiri fréttir Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Sjá meira
Stefán Aðalsteinn Sigmundsson þarf að dúsa í fangelsi í tvö og hálft ár fyrir það sem Hæstiréttur Íslands kallar þaulskipulagt og og ófyrirleitið rán. Rán sem þekkt er sem Skeljungsránið. Hæstiréttur kvað upp dóm sinn í fyrradag og þyngdi dóm Héraðsdóms Reykjavíkur, sem kveðinn var upp í maí í fyrra, um sex mánuði. Stefán Aðalsteinn, sem er 41 árs gamall, framdi ránið ásamt tveimur öðrum mönnum þann 27. febrúar árið 1995. Stefán Aðalsteinn er sá eini af þremeninngunum sem hefur verið dæmdur. Annar hinna tveggja ræningjanna framdi sjálfsvíg áður en hann mætti í skýrslutöku hjá lögreglu og ekki hefur tekist að sanna neitt á þann þriðja. Það var mánudagsmorgunn þegar tveir grímuklæddir menn vopnaðir bareflum og klæddir bláum vinnugöllum réðust að tveimur starfskonum Skeljungs sem voru að fara með tekjur af helgarsölu úr bensín- og smurstöðvum félagsins í Íslandsbanka í Lækjargötu. Annar mannanna sló aðra konuna í höfuðið með barefli þannig að hún féll í götuna við höggið. Rifu ræningjarnir síðan peningatösku með um sex milljónum króna af konunum og hlupu í átt að hvítum Saab fólksbíl sem beið þeirra á bílastæði við Vonarstræti. Konan sem var barinn marðist illa á vinstra gagnauga. Fréttablaðið talaði við konurnar fyrir ári síðan um ránið sem þær lýstu sem hörmulegri lífsreynslu. Erfiðast hefði þó verið áreitið sem þær hefðu orðið fyrir í kjölfar þess að nöfn þeirra voru birt í fjölmiðlum. Þær sögðu að fólk hefði í sífellu spurt þær út í málið. Ennfremur hefðu þær verið spurðar hvort þær hefðu ekki bara sjálfar sviðsett ránið þar sem ræningjarnir væru enn ófundnir. Þær sögðu reynslu sína hafa kennt þeim að Íslendingar væru fljótir að dæma. Þær sögðu að þeim hefði létt mikið sumarið 2002 þegar þeim var tilkynnt af lögreglu að málið væri upplýst og von væri á ákæru. Það hefði jafnframt komið þeim á óvart hve miklu fargi var af þeim létt og því ekki fyrr en þá í raun sem í ljós kom hversu þungt þetta hefði hvílt á þeim. Síðar um morguninn 27. febrúar fannst Saabinn mannlaus við Ásvallagötu. Augljóst var að ræningjarnir höfðu reynt að kveikja í bílnum, því í aftursætinu var hálfbrunnið dagblað og flaska með olíuvökva. Peningataskan fannst tóm í bílnum. Í botni hennar var þjófavarnartæki sem átti að gefa frá sér hljóð og litarefni, sem við sérstakar aðstæður átti að sprauta innihald töskunnar með lituðu dufti og gera peningaseðlana ónothæfa. Búnaðurinn fór ekki í gang þegar á reyndi. Síðdegis þennan örlagaríka mánudag sást hvar eldur logaði í fjörunni í Hvammsvík í Kjós. Var eldurinn slökktur og tilkynnt um þetta til lögreglu. Þarna var um að ræða tösku, fatnað, skó og peningapoka frá Skeljungi sem raktir voru til ránsins. Sumt af þessu hafði brunnið að mestu en annað minna eða ekki.Stefán Aðalsteinn á leið í dómssal.Þrátt fyrir umfangsmikla rannsókn lögreglunnar gekk hvorki né rak að finna ræningjana. Í águst árið 2002 urðu vatnaskil í rannsókn málsins. Þá hafði fyrrverandi eiginkona og barnsmóðir Stefáns Aðalsteins samband við lögregluna á Akureyri og sagðist hafa upplýsingar um málið. Konan sagði frá atriðum sem ekki höfðu komið fram í fjölmiðlum og var þá farið að vinna á fullu í rannsókn málsins að nýju. Konan kom til lögreglunnar skömmu eftir að fjallað var um Skeljungsránið í sjónvarpsþættinum Sönn íslensk sakamál. Hún sagði að eftir að hafa séð þáttinn hefði hún ekki getað lifað með þessa vitneskju lengur á samviskunni og ákveðið að gera hreint fyrir sínum dyrum. Stefán Aðalsteinn játaði sinn hluta málsins í skýrslutöku hjá lögreglu árið 2003. Þar fór hann nokkuð nákvæmlega í atburðarásina og gekk síðar með lögreglumönnum flóttaleið þeirra félaga. Hann gaf lögreglu lífsýni úr sér til þess að hægt væri að bera erfðaefni saman við sýni sem fundist hafði á því sem fannst í fjörunni við Hvammsvík. Samanburðurinn sýndi að lífsýni Stefáns Aðalsteins var hið sama og í á því sem fundist hafði í fjörunni. Stefán dró játninguna seinna til baka og sagðist hafa verið beittur þrýstingi við skýrslutöku. Honum hefði verið hótað gæsluvarðhaldi og það hefði getað kostað hann og systur hans gjaldþrot. Hann hafi verið sjálfstæður verktaki og alls ekki mátt við því að missa úr vinnu. Hvorki Hæstiréttur né Héraðsdómur Reykjavíkur tóku þetta trúanlegt. Auk þess að vera dæmdur í tveggja og hálfs árs fangelsi þarf hann að greiða Sjóvá-Almennum tæplega sex milljónir króna í skaðabætur. Ránsfengurinn hefur ekki komist til skila nema að litlu leyti.
Dómsmál Fréttir Innlent Lög og regla Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Sást ekki til sólar fyrir mýi Innlent Skiptar skoðanir á „forljótum“ varðturnum gegn vasaþjófnaði Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Stór skjálfti fannst vel á suður- og vesturlandi Innlent Nýr meirihluti komi ekki til greina Innlent Bensínbrúsar inni í íbúðinni Innlent Fleiri fréttir Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Sjá meira