Lögreglumál

Lögreglumál

Fréttir af verkefnum lögreglunnar á Íslandi.

Fréttamynd

Fresta leit að ferða­manninum

Leit að erlendum ferðamanni sem skilaði sér ekki á gististað í gær, eftir að hann fór að Háafossi í Þjórsárdal, hefur ekki borið árangur. Lögreglan á Suðurlandi segir að leitinni verði frestað þar til nýjar vísbendingar koma fram.

Innlent

Fréttir í tímaröð

Fréttamynd

Lítilli flug­vél hvolfdi við lendingu

Svo virðist sem betur hafi farið en á horfði þegar lítilli tveggja sæta flugvél hlekktist á við lendingu á Norðfjarðarflugvelli í dag og hvolfdi. Einn var í flugvélinni og slapp hann án meiðsla, samkvæmt tilkynningu frá Lögreglunni á Austurlandi.

Innlent
Fréttamynd

Leita enn að ferða­manninum

Lögreglan á Suðurlandi og björgunarsveitir hafa hægt og rólega útvíkkað svæðið þar sem leitað er að erlendum ferðamanni, sem skilaði sér ekki á gististað í gær, að sögn upplýsingafulltrúa Landsbjargar. Leitað verður fram á kvöld, að þar til að maðurinn finnst.

Innlent
Fréttamynd

„Dreginn inn í um­ræðu þar sem engar stað­reyndir eða neitt liggja fyrir“

Lögregla hefur fellt niður rannsókn á Sigurði Sindra Magnússyni athafnamanni í tengslum við meint kynferðisbrot á Akureyri. Hann segist ekki myndu óska neinum þess að vera ranglega bendlaður við kynferðisbrot en Sigurður hefur síðasta mánuðinn setið undir aðkasti á samfélagsmiðlum þar sem fullyrt er að hann sé nauðgari. Hann segist aðeins hafa leigt húsnæði þar sem meint brot átti sér síðan stað og því hafi hann verið boðaður í skýrslutöku við upphaf lögreglurannsóknar. Að öðru leyti komi hann ekki nálægt málinu.

Innlent
Fréttamynd

Reyndi að greiða með ellefu þúsund króna seðli

Lögregluþjónar voru kallaðir til verslunar á Seltjarnarnesi í dag þar sem einhver hafði greitt eða reynt að greiða fyrir vörur með fölsuðum peningaseðli. Í dagbók lögreglunnar segir að málið sé í rannsókn en ekki fylgja frekari upplýsingar eins og það hvort viðkomandi hafi tekist að greiða með seðlinum eða ekki eða hvort einhver hafi verið handtekinn.

Innlent
Fréttamynd

Af­leiðingarnar af syst­kina­broti séu verri en brotið sjálft

Þrjár konur sem allar hafa verið beittar kynferðislegu ofbeldi af bræðrum sínum segja mikilvægt að foreldrar fái fræðslu um systkinabrot og hvernig eigi að taka á þeim. Þær segja viðbrögðin við ofbeldinu og afleiðingarnar af ofbeldinu sem þær urðu fyrir jafnvel verri en ofbeldið sjálft. Tvær voru beittar ofbeldi af eldri bræðrum en sú þriðja, Tinna, af ættleiddum dreng sem var síðar sendur af heimilinu.

Innlent
Fréttamynd

Inn­brot í kirkju og slags­mál í strætis­vagni

Brotist var inn í kirkju í Múlunum í Reykjavík að sögn lögreglu og gerendur farnir þegar hún kom á staðinn. Ekki liggur fyrir að svo stöddu hvort einhverju hafi verið stolið. Einnig var óskað eftir aðstoð vegna slagsmála í strætisvagni í Árbæ í Reykjavík.

Innlent
Fréttamynd

Á­reitt í sturtuklefa Sund­hallarinnar í tvígang: „Stend þarna bara ná­föl og há­grátandi“

Auður Örlygsdóttir var sextán ára þegar hún lendir í því að fullorðinn maður gengur inn á hana nakta í útiklefa kvenna í Sundhöll Reykjavíkur fyrir tveimur árum. Maðurinn hlýddi ekki skipunum um að yfirgefa klefan og var þar í um fimm mínútur á meðan hann strauk á sér kynfærin. Á mánudaginn, tveimur árum eftir fyrra atvikið, lendir hún í því að gengið er inn á hana aftur í inniklefa Sundhallar Reykjavíkur. 

Innlent
Fréttamynd

Bak við lás og slá grunaður um risa­stórt kókaín­smygl

Einn hefur verið úrskurðaður í sex vikna gæsluvarðhald vegna rannsóknar lögreglu á ætluðum innflutningi á miklu magni af fíkniefnum með Norrænu í lok mars. Lögregla heldur þétt að sér spilunum varðandi efnisatriði málsins. Verð á kókaíni hefur farið hækkandi undanfarin ár.

Innlent
Fréttamynd

Stóra að­gerðin valdi titringi á fíkni­efna­markaði

Stórfellt smyglmál um borð í Dettifossi er talið geta haft veruleg áhrif á fíkniefnamarkaðinn hér á landi, að sögn lögreglu. Lagt var hald á rúmlega 14 lítra af amfetamínbasa og þrír sitja í gæsluvarðhaldi vegna málsins, þar á meðal tveir starfsmenn Eimskips sem hafa ekki áður komið við sögu lögreglu.

Innlent
Fréttamynd

Gripinn í blokk við þvottastúss eftir á­rásina

Gabríel Douane Boama sem grunaður er um tilraun til manndráps eða um sérstaklega hættulega líkamsárás með öxi hefur verið úrskurðaður í gæsluvarðhald vegna málsins. Hann er grunaður um að hafa ráðist inn á heimili manns og ráðist að honum með exi þann 5. mars en lögregla handtók hann í fjölbýlishúsi þar sem hann var í óðaönn að þvo fötin sín.

Innlent

Mest lesið